سعودی عرب: 4 روزہ تعطیل کا اعلان

ریاض: سعودی عرب میں رواں ماہ 4 دن کی ایک ساتھ تعطیل ہوگی، یہ تعطیلات یوم تاسیس کے موقع پر دی جائیں گی۔

اردو نیوز کے مطابق سعودی حکومت نے سال رواں کے دوران یوم تاسیس (فاؤنڈیشن ڈے) پر عام تعطیل کی تفصیلات جاری کی ہیں، سرکاری و پرائیویٹ اور بغیر منافع والے سیکٹرز کے ملازمین کو تنخواہ سمیت چھٹی ملے گی۔

سرکاری اداروں کے ملازمین اس سال یوم تاسیس پر 2 دن چھٹی کریں گے، بدھ 22 فروری کو یوم تاسیس کی چھٹی ہوگی، سرکاری ملازمین جمعرات کو بھی چھٹی منائیں گے۔

سول سروس قانون کی دفعہ 128 کے تحت اگر دو چھٹیوں کے درمیان ایک ورکنگ ڈے آئے تو ایسی صورت میں ورکنگ ڈے بھی چھٹی شمار کیا جاتا ہے، اس طرح سعودی عرب کے تمام سرکاری ملازمین چار دن کی مسلسل چھٹی کریں گے۔

شاہ سلمان بن عبد العزیز نے گزشتہ برس شاہی فرمان جاری کیا تھا جس میں کہا گیا تھا کہ پہلی سعودی ریاست کی تاسیس کی یاد میں ہر سال 22 فروری کو یوم تاسیس پر سرکاری تعطیل ہوگی۔

یاد رہے کہ فروری 1727 کو امام محمد بن سعود نے پہلی سعودی ریاست قائم کی تھی۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/m6kb9tr