لڑکی کو کھڑکی سے کھینچ کر اغواء کرنے کی کوشش، ویڈیو وائرل

واشنگٹن: امریکا میں جرم کا ایک انوکھا واقعہ پیش آیا ہے جس میں اغواء کار نے ایک لڑکی کو کھڑکی سے کھینچ کر اغواء کرنے کی کوشش کی۔ سوشل میڈیا پر واقعے کی ویڈیو وائرل ہوگئی۔

کسی بھی ملک میں اغواء کی وارداتیں تو معمول کا حصہ ہیں جس میں جرائم پیشہ افراد نہتے اور کمزور بچوں اور لڑکیوں کو باآسانی اغواء کرکے لے جاتے ہیں اور ورثاء سے تاوان یا دیگر مطالبات کرتے ہیں۔

لیکن امریکی شہر واشنگٹن میں اغواء کا ایک ایسا واقعہ پیش آیا جس میں اغواء کار نے گاڑی میں بیٹھے بیٹھے کافی شاپ کی ملازمہ لڑکی کو کھڑکی سے ہاتھ بڑھا کر باہر کھینچنے کی کوشش کی۔

سیٹل میں واقع معروف کافی شاپ بین کنی ایسپریسو کی وجہ شہرت بکنی ماڈلز ہیں جو اپنے گاہکوں کو کافی بناکر دینے کی خدمات پر مامور ہیں۔

The Auburn Police Department is asking for any information to help identify a suspect that attempted to abduct a barista during the early morning hours of 1/16/2023. pic.twitter.com/w8qzJQs5ZA

— Auburn WA Police Dept (@AuburnWAPolice) January 17, 2023

ہوا کچھ یوں کہ گزشتہ روز صبح پانچ بجے کافی شاپ کی کھڑکی کے باہر ایک گاڑی آکر رکی جس میں سوار ایک شخص نے گاڑی میں بیٹھے بیٹھے کافی بنانے کا کہا۔

کاؤنٹر پر موجود لڑکی نے وہیں سے بیٹھے کھڑکی سے ہاتھ نکال کر کافی کی بقایا رقم واپس کرنے کیلئے ہاتھ بڑھایا تو اغواء کار نے لڑکی کا ہاتھ مضبوطی سے پکڑ کر اسے باہر کھینچنے کی کوشش کی۔

لڑکی کی جانب سے بھرپور مزاحمت پر اسے ناکامی سامنا کرنا پڑا اور وہ کافی کے پیسے زمین پر پھینک کر گاڑی بھگا کر لے جانے میں کامیاب ہوگیا۔

متاثرہ لڑکی کی شکایت پر پولیس نے سی ٹی وی فوٹیج کی مدد سے حملہ آور کو پہچاننے کی کوشش کی تاہم اسے ناکامی کا سامنا ہوا لیکن بعد ازاں اس کے ہاتھ پر بنے ہوئے ٹیٹو کی مدد ملزم تک پہنچنے میں کامیابی مل گئی اور اغواءکار کو گرفتار کرلیا گیا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/UDHxLmP