پاکستان سے سعودی عرب منشیات اسمگلنگ کی کوشش ناکام

کراچی : پاکستان سے سعودی عرب منشیات اسمگلنگ کی کوشش ناکام بنادی گئی اور مسافر کو گرفتار کرلیا گیا۔

تفصیلات کے مطابق ایئرپورٹس سیکیورٹی فورس نے جناح انٹرنیشنل ائیر پورٹ پر کارروائی کرتے ہوئے سعودی عرب منشیات اسمگلنگ کی کوشش ناکام بنادی۔

ترجمان اے ایس ایف نے بتایا کہ ایئرپورٹس سیکیورٹی نے جدہ جانے والے مسافر کو گرفتار1.264 کلو گرام آئس ہیروئن برآمد کر لی ہے۔

حکام کا کہنا تھا کہ مسافر رحمت اللہ نے آئس ہیروئن دو بیگوں کے فریموں اور تہہ میں مہارت سے چھپا رکھی تھی ۔ تاہم اے ایس ایف کے عملے نے سامان کی تلاشی کے دوران منشیات برآمد کر کے سمگلنگ کی کوششں ناکام بنائی۔

ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لئے اے این ایف حکام کے حوالے کر دیا ہے۔

from پاکستان Archives - ARYNews.tv | Urdu - Har Lamha Bakhabar https://ift.tt/r7NgEub