بھارتی فوجی افسر نے بیوی کو گولی مار کر خود کشی کرلی

چندیگڑھ : بھارتی پنجاب کے علاقے فیروز پور میں فوج کے ایک افسر نے گزشتہ رات اپنی بیوی کو گولی مارکر قتل کردیا اوراس کے بعد گولی مار کر خودکشی کرلی۔

بھارتی میڈیا کی رپورٹ کے مطابق انڈین فوج کے لیفٹیننٹ کرنل نے خودکشی کرنے سے پہلے ایک خط بھی لکھا تھا جس میں اس نے اپنی بیوی کو قتل کرنے کا اعتراف کیا۔

دونوں میاں بیوی اپنی رہائش گاہ پر مردہ پائے گئے، لاشوں کو پوسٹ مارٹم کے لیے ملٹری اسپتال منتقل کردیا گیا۔بھارتی فوج اور پولیس نے واقعے کی تحقیقات شروع کر دی ہے۔

لیفٹیننٹ کرنل نے خودکشی نوٹ میں لکھا کہ جھگڑے کے نتیجے میں اپنی بیوی کو قتل کردیا اور خود کو بھی گولی مار کر اپنی زندگی کا خاتمہ کر رہا ہوں۔

خودکشی کرنے والے آرمی آفیسر کے رشتہ داروں کا کہنا تھا کہ میاں بیوی کے درمیان گھریلو ناچاقی تھی اور دنوں کونسلنگ بھی کرا رہے تھے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/sQK62aJ