یوکرین نے روسی صدر کی جنگ بندی کی تجویز مسترد کر دی

یوکرین نے روسی صدر ولادیمیر پیوٹن کی جنگ بندی کی تجویز مسترد کر دی ہے۔

غیر ملکی میڈیا رپورٹ کے مطابق یوکرین کے صدراتی مشیرنے کہا ہے کہ جنگ بندی کی تجوزی منافقت کے سوا کچھ نہیں ہے، روس یوکرینی علاقوں پر سے قبضہ چھوڑ دے۔

روسی صدر پیوٹن نے آرتھڈوکس کرسمس کے موقعے پر جنگ بندی کا اعلان کیا تھا، صدر کے اعلان کے مطابق جنگ بندی چھتیس گھنٹے تک رہے گی جس کا اطلاق آج سے ہوگا۔

واضح رہے کہ روس اور یوکرین کے آرتھوڈوکس مسیحی چھ اور سات جنوری کو کرسمس مناتے ہیں، یہ بھی واضع رہے دس ماہ سے جاری روس یوکرین جنگ میں یہ پہلا سیز فائر ہے۔

روس کا یوکرین میں عارضی جنگ بندی کا اعلان

دوسری جانب اقوام متحدہ کے سربراہ نے روسی صدر ولادیمیر پیوٹن کی جانب سے یوکرین میں 36 گھنٹے کی عارضی جنگ بندی کے اعلان کا خیرمقدم کیا ہے۔

سیکریٹری جنرل انتونیو گوتیریس نے کہا کہ یہ عمل اقوام متحدہ کے چارٹر اور بین الاقوامی قانون کے مطابق منصفانہ امن کی جگہ نہیں لے سکے گا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/RFDPtQr