سفاک ماں نے دوسری بیٹی کی پیدائش پر نومولود کو مار ڈالا

بھارت میں سفاک ماں نے دوسری بیٹی کی پیدائش پر نومولود کو گلا دبا کر قتل کردیا۔

بھارتی میڈیا رپورٹس کے مطابق افسوسناک واقعہ ریاست مہاراشٹرا کے علاقے گڑگاؤں تھانے کی حدود میں 25 سالہ ماں نے اپنی تین کی بیٹی کو گلا دبا کر مار ڈالا۔

رپورٹ کے مطابق عثمان آباد کی لوہارا تحصیل کی رہائشی خاتون نے کسرجوالا گاؤں کے مرکز صحت میں بچی کو جنم دیا تھا۔

پولیس نے بتایا کہ خاتون دوسری بیٹی کی پیدائش پر افسردہ تھیں اور اس نے رومال کی مدد سے اپنی بیٹی کو قتل کیا۔

میڈیا رپورٹ کے مطابق پولیس نے ملزمہ کو نومولود کے قتل کے الزام میں گرفتار کرکے مقدمہ درج کرلیا۔

واضح رہے کہ گزشتہ برس بھارت میں خاتون نے بیٹی کی پیدائش پر اسے پھینک دیا تھا جس کے نتیجے میں بچی کی موت واقع ہوگئی تھی۔

دس اپریل 2021 میں بنگلور میں تین سالہ بچی کو مبینہ طور پر اس کی ماں نے اس وقت مار ڈالا تھا جب اس نے ٹی وی چینل بدلنے پر ہونے والے جھگڑے میں باپ کا ساتھ دیا تھا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/LyC5vPr