ہوٹل کے مہمان نے غصے میں اپنی گاڑی داخلی دروازوں سے ٹکرا دی

چین کے شہر شنگھائی میں ایک ہوٹل کے اندرقیام پذیر شخص نے انتظامیہ سے نالاں ہو کر اپنی گاڑی ہوٹل کے داخلی دروازوں پر دے ماری اور گاڑی دوڑاتا ہوا اندر تک لے آیا، مذکورہ شخص اپنا لیپ ٹاپ کھو جانے پر غصے میں تھا۔

بین الاقوامی میڈیا کے مطابق شنگھائی میں ایک ہوٹل کے اندر ایک شخص نے غصے میں اپنی گاڑی ہوٹل کے شیشے پر دے ماری اور گاڑی لے کر ہوٹل کی لابی تک آگیا۔

28 سالہ گاہک نے الزام عائد کیا کہ ہوٹل والوں نے اس کا لیپ ٹاپ گما دیا جس میں انتہائی اہم معلومات تھیں۔

On Jan 10 a car crashed into the lobby of Jinling Purple Mountain Hotel Shanghai (上海金陵紫金山大酒店) in Lujiazui, Pudong after the driver, a guest at the hotel, had a spat with hotel staff over his notebook computer which purportedly went missing in his room. pic.twitter.com/ExOaAPTtJK

— Byron Wan (@Byron_Wan) January 11, 2023

گاڑی ہوٹل کے دروازوں سے ٹکرانے کے بعد ہوٹل ملازمین سے گاہک کی تکرار ہوئی جس میں ہوٹل انتظامیہ کی جانب سے کہا گیا کہ انہوں نے لیپ ٹاپ گم نہیں کیا، ساتھ ہی انتظامیہ نے خدشہ ظاہر کیا کہ ہوسکتا ہے لیپ ٹاپ کسی نے چوری کیا ہو۔

ویڈیو میں دیکھا جاسکتا ہے کہ وہاں موجود لوگ چیخ و پکار کر رہے ہیں اور مذکورہ شخص کو برا بھلا کہہ رہے ہیں، اس کے علاوہ کچھ لوگوں نے یہ بھی کہا کہ کیا آپ کو احساس ہے کہ آپ نے ابھی کیا کیا؟

کچھ افراد کو گاڑی سے ڈرائیور کو باہر نکالتے بھی دیکھا جاسکتا ہے۔

مقامی پولیس کے مطابق ہوٹل انتظامیہ نے تصدیق کی ہے کہ مذکورہ شخص کا لیپ ٹاپ ہوٹل کے باہر سے مل گیا جبکہ خوش قسمتی سے واقعے میں کسی قسم کا جانی نقصان نہیں ہوا۔

پولیس کا کہنا ہے کہ گاڑی کے ڈرائیور کو گرفتار کرلیا گیا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/tCkifHe