یہ بھی پڑھیں: ترکیہ اور شام میں ایک ہفتے بعد بھی زندگی کے آثار باقی، امید کی کرن روشن

ترکیہ اور شام میں گزشتہ ہفتے آنے والے قیامت خیز زلزلے کی جہاں تباہ کاریاں جاری ہیں وہیں ایثار اور قربانی کی بھی مثالیں قائم ہو رہی ہیں۔

ترکیہ اور شام میں گزشتہ ہفتے کی علی الصباح آنے والے 7.8 شدت کے قیامت خیز زلزلے کی تباہ کاریاں جاری ہیں اور اموات کی تعداد 29 ہزار سے تجاوز جب کہ زخمیوں کی تعداد ڈیڑھ لاکھ سے زائد ہوچکی ہے۔ ایک جانب اموات بڑھ رہی ہیں تو دوسری جانب ملبے تلے دبے افراد کے ایک ہفتے بعد بھی زندہ نکلنے سے امید کی کرنیں بھی روشن ہوگئی ہیں۔

تباہ کن زلزلے سے متاثرین کے لیے دنیا بھر کی حکومتیں امدادی سرگرمیوں میں آگے آگے ہیں تاہم آذر بائیجان کے شہری نے تو ایثار کی ناقابل فراموش مثال قائم کردی ہے۔

ترکیہ کے پڑوسی ملک آذر بائیجان کے شہری نے جب ترکیہ میں زلزلے کی تباہ کاریاں اور متاثرین کی بے بسی دیکھی تو اس سے رہا نہ گیا اور وہ اپنے گھر کا سامان اپنی گاڑی پر لاد کر زلزلہ متاثرین کی مدد کے لیے متاثرہ علاقوں کی جانب چل پڑا۔

آزربائیجان کا ایک شہری گھر کا آدھا سامان اپنی پرانی گاڑی میں لوڈ کرکے ترکیا روانہ۔ کیا جذبات ہیں۔ اسے ترکیا پہنچنے میں کم از کم 20 گھنٹے لگیں گے۔ تقریباً 1400 کلومیٹر کا فاصلہ ہے۔ pic.twitter.com/JpwmeKvW5p

— Zia Chitrali (@ziachitralie) February 9, 2023

 

ایثار کی اس کہانی نے سب کو اتنا متاثر کیا کہ ترک ٹی وی چینل بھی اس کی کہانی نشر کیے بغیر نہ رہ سکا۔

یہ بھی پڑھیں: ترکیہ اور شام میں ایک ہفتے بعد بھی زندگی کے آثار باقی، امید کی کرن روشن

واضح رہے کہ ترکیہ اور شام میں زلزلے میں جاں بحق ہونے والوں کی تعداد 29 ہزار سے زائد ہوگئی ہے جب کہ ملبہ اٹھانے کے ساتھ لاشوں اور زخمیوں کی تلاش کے لیے امدادی کارروائیاں جاری ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/VhBjFQM