سعودی عرب: سیاحوں کے لیے خوشخبری

ریاض: سعودی عرب میں لگژری ٹورسٹ ٹرین سروس شروع کرنے کے منصوبے پر دستخط کردیے گئے ہیں، ٹرین کا مقصد مملکت میں سیاحت کو فروغ دینا ہے۔

اردو نیوز کے مطابق سعودی ریلوے کمپنی سار نے اٹلی کے ایک گروپ کے ساتھ مفاہمتی یادداشت پر دستخط کیے ہیں، اس کے تحت مشرق وسطیٰ کی تاریخ میں پہلی مرتبہ لگژری ٹورسٹ ٹرین سروس شروع کی جائے گی۔

مفاہمتی یادداشت کے تحت سار لگژری ٹرین آپریٹ کرے گی، ریلوے لائن بچھائے گی اور دوران سفر کھانے پینے کی تمام سہولتوں اور فیول کا انتظام کرے گی۔

اٹلی کی کمپنی لگژری ٹرین کی بوگیاں تیار کرے گی، پراجیکٹ کی مارکیٹنگ، انفارمیشن ٹیکنالوجی سسٹم کی فراہمی اور بکنگ کی سہولت کی بھی ذمہ دار ہوگی۔

علاوہ ازیں لگژری ٹورسٹ ٹرین کے روٹ کی نشاندہی بھی اطالوی کمپنی کے ذمے ہوگی۔

سعودی عرب میں لگژری ٹرین متعارف کروانے کا مقصد سیاحت کا فروغ اور سعودی شہریوں اور سیاجوں کو زیادہ سے زیادہ پرکشش سیاحتی مقامات دریافت کرنے کے مواقع مہیا کرنا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/gkNLrBM