گھر سے خاتون پولیس اہلکار کی پھندا لگی لاش ملی

حیدرآباد : بھارت میں گھر سے لیڈی کانسٹیبل کی پھندا لگی لاش برآمد ہوئی ہے، متوفیہ اپنی بہن کے ساتھ کرائے کے گھر میں مقیم تھی۔

بھارتی میڈیا رپورٹ کے مطابق بھارتی شہر حیدرآباد میں ایک خاتون کانسٹیبل نے مبینہ طور پر خودکشی کرلی۔

پولیس کا کہنا ہے کہ 28 سالہ سریکھا شاہ علی بندہ پولیس اسٹیشن میں بحیثیت لیڈی کانسٹیبل ڈیوٹی پر مامور تھی۔

پولیس کے مطابق یکم اپریل کو سریکھا کی منگنی ہوئی اور وہ اپنی کی بہن کے ساتھ گزشتہ روز ہی حیدرآباد واپس آئی تھی، سریکھا کی بہن ایک نجی ادارے ملازمت کرتی ہے۔

آج سریکھا کی بہن صبح گھر سے ڈیوٹی پر چلی گئی، صبح 11 بجے سریکھا نے مکان کا دروازہ اندر سے بند کر لیا۔

مالک مکان نے شک کی بنیاد پر دروازہ کھٹکھٹایا، بعد ازاں اس نے دروازہ کھول کر دیکھا تو سریکھا کی لاش پنکھے سے لٹکی ہوئی تھی۔

پولیس کے مطابق یہ شبہ کیا جارہا ہے کہ وہ اپنی شادی میں دلچسپی نہیں رکھتی تھی اسی لیے اس نے یہ انتہائی قدم اٹھایا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/ZBzhgEn