ہندو انتہا پسندوں کی شدت آمیز سوچ امریکا بھی پہنچ گئی

بھارت کے ہندو انتہا پسندوں کی شدت آمیز سوچ امریکا بھی پہنچ گئی، بھارتی نژاد ورشتھ کنڈولا نے ٹرک وائٹ ہاؤس کے بیریئر سے ٹکرا دیا۔

سیکولر ہونے کے دعویدار بھارت کے ہندو انتہا پسندوں کی شدت آمیز سوچ امریکا بھی پہنچ گئی، بھارت میں لوگ شدت اور انتہا پسندی کے نظریے کا شکار ہوگئے ہیں۔

اس شدت پسندانہ اور انتہا پسندانہ سوچ کی اس ایک واقعے سے عکاسی ہوتی ہے جس میں ایک بھارتی شہری نے واشنگٹن کے وائٹ ہاؤس میں داخل ہونے اور حملہ کرنے کی کوشش کی۔

امریکی ریاست میزوری کے 19 سالہ ورشتھ کنڈولا نے اپنا ٹرک وائٹ ہاؤس کے سیکیورٹی بیریئر سے ٹکرا دیا، پولیس کے مطابق ورشتھ کنڈولا نےپارک میں جان بوجھ کرٹرک سے ایک حفاظتی بیریئر سے ٹکرماری۔

نوجوان ٹرک ٹکرانے کے بعد نازی پرچم کے ساتھ باہرنکلا اور پولیس پر چیخ و پکار شروع کردی، ملزم نے کہا کہ میں صدر جو بائیڈن کو قتل کرکے حکومت پر قبضہ کرنے کے لئے آیا ہوں۔

Indian-origin Hindu Sai Varshith Kandula, sees himself as a White Supremacist and was carrying Nazi flag, intentionally crashed a truck into White House as a terror attack to kill the US President and Vice President. No news on Indian media. pic.twitter.com/Wf9cL0UreS

— Ashok Swain (@ashoswai) May 23, 2023

امریکی پولیس کا کہنا ہے کہ بھارتی نژاد نوجوان صدر بائیڈن کو قتل کرنے وائٹ ہاؤس آیا تھا، جسے گرفتار کرلیا گیا ہے۔

صحافی اور انسانی حقوق کے ترجمان پیٹر فریڈریک نے واقعے کو ہندوتوا کی شدت پسند سوچ قرار دے دیا۔ بھارتی تجزیہ کار اشوک سوین نے واقعے کو آر ایس ایس آئیڈیالوجی کا نتیجہ قرار دیا ہے۔.

واضح رہے کہ آر ایس ایس بااثر نیم فوجی ہندو قوم پرست تنظیم ہے، آر ایس ایس کی ہندوستان بھر میں 100سے زائد تنظیمیں وابستہ ہیں، یہ تنظیم بالخصوص مسلمانوں پر ظلم میں پیش پیش ہے

آرایس ایس و دیگر انتہا پسند تنظیمیں اقلیتوں کے مذہبی، سماجی اور بنیادی حقوق چھیننے میں مصروف عمل ہیں،ہندوتوا کی انتہا پسند سوچ نے نوجوان ذہنوں کو بری طری متاثر کرکے تشددکی طرف راغب کیا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/pY3t8hq