سعودی عرب: کن علاقوں میں درجہ حرارت 50 ڈگری سینٹی گریڈ سے زیادہ ہوجائے گا؟

ریاض: سعودی عرب میں رواں برس موسم گرما کے دوران بعض علاقوں میں درجہ حرارت 50 ڈگری سینٹی گریڈ سے تجاوز کر جائے گا۔

اردو نیوز کے مطابق سعودی عرب میں موسمیات کے قومی مرکز کے اعلیٰ عہدیدار حمزہ کومی کا کہنا ہے کہ اس سال موسم گرما کے دوران ریاض، الشرقیہ، مدینہ منورہ اور مکہ مکرمہ ریجنز میں انتہائی درجہ حرارت 50 سینٹی گریڈ کی حد عبور کر جائے گا۔

حمزہ کومی کا کہنا ہے کہ اس بات کا امکان ہے کہ سعودی عرب کے بیشتر علاقوں میں اس سال درجہ حرارت اوسط تناسب سے زیادہ رہے۔

انہوں نے کہا کہ ماہ رواں میں بارش کے بھی امکانات ہیں، بارش کا زور مکہ مکرمہ ریجن کے علاقے طائف میں ہوگا۔ اس کا سلسلہ جنوب میں جازان تک جائے گا۔ عسیر اور باحہ بھی اس کی لپیٹ میں ہوں گے۔

موسمیات کے قومی مرکز کےعہدے دار کا کہنا ہے کہ قومی مرکز آئندہ ہفتے حج سیزن میں موسمیات کے حوالے سے رپورٹ جاری کرے گا، اس سال حج موسم کے دوران مکہ مکرمہ میں درجہ حرارت 45 سے 50 سینٹی گریڈ تک رہنے کا امکان ہے۔

انہوں نے مزید کہا کہ حج سیزن کے دوران منیٰ، مزدلفہ اور عرفات میں بوندا باندی کا امکان ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/9qDQiJR