بھارت: انتہا پسندوں نے مسجد میں شراب کی بوتل پھینک دی

بھارت میں میں مسلم دشمنی کا ایک اور واقعہ پیش آیا ہے جس میں شرپسندوں کی جانب سے مسجد کے اندر شراب کی بوتل پھینکی گئی ہے۔ واقعے کے بعد وہاں کی مسلمان کمیونٹی میں سخت غم و غصہ پایا جاتا ہے۔

میڈیا رپورٹس کے مطابق اندور میں واقع مسجد حضرت بلال میں آدھی رات کے بعد کار سوار کچھ شرپسند عناصر مسجد میں شراب کی بوتل اور کچھ ادویات پھینک کر فرار ہوگئے، جن کا مقصد بظاہر انتشار پھیلانا نظر آتا ہے۔ مذکورہ مسجد آگرا ممبئی روڈ چھوٹی کھج رانی کے قریب واقع ہے۔
اطراف کے علاقوں میں ملزمان کی تلاش کے لیے چھاپے مارے جارہے ہیں اور امید ہے کہ جلد تمام ملزمان کو حراست میں لے لیا جائے گا۔

شرپسندوں کا یہ عمل مسجد میں نصب کیمرے میں محفوظ ہوگیا ہے جس سے ان کی شناخت میں مدد لی جارہی ہے جبکہ فوری طور پر واقعے کی اطلاع بھی مقامی پولیس کو کردی گئی ہے۔ پولیس کا کہنا ہے کہ جن لوگوں نے بھی یہ حرکت کی ہے ان کی تلاش جاری ہے تاہم اب تک اس حوالے سے کوئی گرفتاری عمل میں نہیں آئی ہے۔

مقامی تھانہ انچارج اے ورما نے مزید بتایا کہ ہماری معلومات کے مطابق صبح چار بجے کے قریب کچھ افراد کار میں سوار ہو کر یہاں آئے اور شراب کی بوتل مسجد کے اندر پھنک کر فوری طور پر بھاگ گئے۔ معاملے میں جو بھی ملوث ہوا اسے جلد از جلد ڈھونڈ کر قانون کے مطابق کارروائی کی جائے گی۔

علاقے میں ماحول کشیدہ ہونے کے باعث پولیس نے لوگوں سے صبر تحمل سے کام لینے اور اپنے غم و غصے کو قابو میں رکھنے کی اپیل کی ہے۔ مقامی افراد کا کہنا ہے کہ پولس جلد از جلد ملزمان کو گرفتار کرے اور نھیں سزا دی جائے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/nv7RdwT