دبئی: درجنوں نایاب کچھوے سمندر میں چھوڑ دیے گئے

ابو ظہبی: متحدہ عرب امارات میں درجنوں کچھوؤں کو سمندر میں چھوڑا گیا۔ یہ کچھوے معدومی کے خطرے کا شکار ہیں۔

اردو نیوز کے مطابق دبئی میں سی ٹرٹلز یعنی سمندری کچھوؤں کے عالمی دن کے موقع پر معدومیت کے خطرے سے دو چار 21 کچھوؤں کو خلیج عرب میں چھوڑ دیا گیا۔

جمعے کو ورلڈ سی ٹرٹل ڈے کے موقع پر دی دبئی ٹرٹل ری ہیبلی ٹیشن پروجیکٹ (ڈی ٹی آر پی) نے خلیج عرب میں 15 ہاکس بل اور 6 سبز کچھوے چھوڑے۔

کچھوؤں کی یہ دو نسلیں جو معدومیت کا شکار ہیں، انہیں پانی میں چھوڑنے سے سمندر کا قدرتی ماحول توازن پاتا ہے، اس پروجیکٹ کا اہم مقصد ہاکس بل کچھوے کی افزائش ہے، جو کہ تشویش ناک حد تک معدومیت کا شکار ہے۔

جمیرا گروپ کی سی ای او کیٹرینا گیانوسکا نے کہا ہے کہ ہم نے ماحولیاتی تبدیلی کا قیمتی سمندری مخلوق پر براہ راست اثر دیکھا ہے۔

خلیج عرب میں کامیابی سے چھوڑے جانے والے کچھوؤں میں ایک مادہ سبز کھچوا، جس کا خول کشتی سے ٹکرانے کے باعث ٹوٹ گیا تھا اور زِپی نام کا نر ہاکس بل کھچوا شامل ہیں۔

زِپی کو اکتوبر 2022 میں ڈی ٹی آر پی نے راس الخیمہ کے ساحل پر نہایت بری حالت میں ریسکیو کیا تھا، وہ پلاسٹک کا کوڑا کرکٹ کھانے کے باعث آنتوں اور پھیپھڑوں کی تکلیف کا شکار تھا۔

برج العرب کی ڈائریکٹر ایکیورم باربرا لینگ لینٹن اریزابالا لگا کا کہنا تھا کہ کچھوؤں کی اتنی کم تعداد پر اس بات کی یقین دہانی کروانا ضروری ہے کہ ان کی آبادی کو قائم رکھنے کے لیے سب اپنا کردار ادا کریں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/ux6GOAN