کرائے کی سائیکل چلانے والا اچانک منہ کے بل کیوں گر پڑا؟ ویڈیو وائرل

سیاحوں اور مقامی شہریوں کی سہولت کیلئے موٹر سائیکل یا سائیکل کرائے پر دینے کے قوانین مختلف ممالک کے لحاظ سے مختلف ہوتے ہیں جہاں کرائے پر سائیکل یا بائیک کی سہولت فراہم کی جاتی ہے۔

ایسی سہولیات ان لوگوں کو دی جاتی ہیں جن کے پاس اپنی گاڑی تک رسائی نہیں ہوتی، سیاح کرایہ ادا کرتے ہیں اور شہر کی سیر سے لطف اندوز ہوتے ہیں۔

آپ نے بائیک کرایہ پر لینے کے پری پیڈ آپشن کے بارے میں بھی سن رکھا ہوگا جہاں سوار کو اکاؤنٹ ری چارج کرنے کی ضرورت ہوتی ہے اور وہ پری پیڈ اکاؤنٹ میں دستیاب بیلنس کے مطابق اپنا مطلوبہ فاصلہ طے کرسکتا ہے۔

اس بات کا دوسرا پہلو یہ بھی ہے کہ پری پیڈ سائیکل یا موٹر سائیکل اس وقت چلانے والوں کیلئے مصیبت کا باعث بن سکتی ہے جب اچانک ان کا بیلنس ختم ہوجائے تو سوار کے ساتھ کیا صورتحال پیش آسکتی ہے؟

آج ہم آپ کیلئے ایک ایسی ہی ویڈیو لائے ہیں کہ جس میں پری پیڈ بیلنس ختم ہونے کے بعد کرائے کی سائیکل اچانک خود بخود لاک ہوجاتی ہے۔ دیکھیں سوار کے ساتھ کیا ہوتا ہے؟

For-Rent bike abruptly locks because rider's deposit balance suddenly ran out pic.twitter.com/d4HZuufqkh

— OnlyBangers.eth (@OnlyBangersEth) May 30, 2023

ویڈیو میں دیکھا جا سکتا ہے کہ ایک شخص سڑک پر سائیکل چلا رہا ہے۔ اچانک وہ سائیکل سمیت سڑک پر منہ کے بل گرتا ہے اور ایسا لگتا ہے کہ اس کی ناک زخمی ہوگئی ہو، اس کے پاس موجود دوسرے لوگ بھی اسے دردمندانہ نگاہوں سے دیکھ رہے ہوتے ہیں۔

سماجی رابطے کی ویب سائٹ ٹویٹر پر شیئر کی گئی ویڈیو سوشل میڈیا پر وائرل ہوگئی، ویڈیو کو بڑے پیمانے پر پسند کیا گیا اور صارفین اس پر دلچسپ تبصرے کررہے ہیں جبکہ کئی صارفین نے اس سسٹم پر تنقید بھی کی ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/ea9tQsV