انڈونیشیا کا وہ قصبہ جو دھیرے دھیرے سمندر میں ڈوب رہا ہے

سمندری لہروں نے انڈونیشیا کے گاؤں ٹمبلسلوکو سے دشمنی مول لی ہے اور یہ لہریں آہستہ آہستہ پورے گائوں کو ڈبونے پرآمادہ نظر آتی ہیں۔

انڈونیشیا کے علاقے ٹمبلسلوکو کے ساحلی گاؤں جاون میں بڑھتی ہوئی لہروں نے اچھی خاصی زمین نگل لی ہے، جس نے وہاں کے رہائشیوں کو ایک نیا طرزِ زندگی اپنانے پر مجبور کردیا ہے۔

انڈونیشیا کا یہ علاقہ جو کہ بہت تیزی سے سمندر برد ہورہا ہے یہاں تقریباً 200 سے زیادہ افراد رہائش پذیر ہیں، موجودہ صورتحال سے قبل یہاں چاولوں کے سرسبز لہلہاتے کھیت ہوتے تھے مگر اب یہ علاقہ دلدلی ہوچکا ہے اور یہاں چھوٹی کشتیاں نظر آتی ہیں۔

یہ ایک خطرناک علامت ہے کہ کس طرح موسمیاتی تبدیلی ساحلی پر رہنے والوں کے لیے دنیا بھر میں پریشان کن صورتحال پیدا کررہی ہے، تھائی لینڈ میں سمندر کی بڑھتی ہوئی سطح اور موسمیاتی تبدیلیوں کے پیش نظر ایک اسکول بھی ہے جہاں اب صرف 4 طلبا ہی رہ گئے ہیں۔

VIDEO: More than 200 people remain in one of Indonesia's fastest sinking areas, Timbulsloko village, which has turned from a landscape of lush rice paddies into a network of boardwalks and canoes in an alarming sign of how climate change could upend coastal communities. pic.twitter.com/IPzYZf4xkB

— AFP News Agency (@AFP) July 24, 2023

49 سالہ سلکان جو کہ اسکول ٹیچر ہیں انھوں نے بتایا کہ اب صرف یادیں باقی ہیں یہاں کوئی سرگرمی نہیں بچی کیوں کہ اب یہاں لہریں آگئی ہیں۔

انڈونیشیا کے ٹیچر اس چھوٹی سی مسجد کو یاد کرتے ہوئے جو سمندر سے گھری ہوئی تھی، اسکول سے فارغ التحصیل بچوں کی ہنسی بھی ان کے ذہن میں آجاتی ہے، تاہم اب یہاں صرف دلدلی راستے موجود ہیں۔

1990 کی دہائی میں مقامی لوگوں نے ماہی گیری کے تالابوں کے لیے مینگرووز کاٹ دیے جس کے بعد ساحلی پٹی بھی سیلاب کے خطرے سے دوچار ہو گئی۔
سطح سمندر میں اضافہ، ساحلی کٹاؤ اور زمینی پانی کے بے تحاشہ اخراج کے باعث کافی زمین ڈوبن چکی ہے جس نے ٹمبلسلوکو کے رہائشیوں کی زندگیوں کو یکسر تبدیل کر دیا ہے، ٹمبلسلوکو اور اس کے آس پاس کے ڈیمک کے علاقے میں پانی پانچ کلومیٹر تک اندر آچکا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/57tRImW