بھارتی فوج کے ٹرک کو حادثہ : 9 ہلاک ایک زخمی

لداخ : بھارتی فوج کا ٹرک گہری کھائی میں جاگرا جس کے نتیجے میں 9 فوجی ہلاک ہوگئے، حادثے میں ایک فوجی زخمی ہوگیا۔

تفصیلات کے مطابق بھارتی فوج کا ٹرک ہفتہ کی شام بھارت کے زیر انتظام لداخ کے علاقے میں حادثے کا شکار ہوگیا، یہ حادثہ دارالحکومت لیہہ کے قریب کیاری گاؤں میں پیش آیا۔

بھارتی میڈیا رپورٹ میں بتایا گیا ہے کہ فوجی ٹرک کارو گیریژن سے لیہ کے قریب کیاری جا رہا تھا کہ کیاری شہر سے 7 کلومیٹر کی دوری پر گہری کھائی میں جا گرا۔

حادثے میں فوج کے 9 جوانوں کے ہلاک ہونے کی اطلاعات ہیں جب کہ ایک فوجی کے زخمی ہوگیا، مرنے والوں میں آٹھ جوان اور ایک جے سی او (جونیئر کمیشنڈ آفیسر) شامل ہے۔

#India Watch: Nine soldiers,were killed when Indian Army truck skidded off the road and fell into a gorge in Leh district, Ladakh.

Eight soldiers and one Junior Commissioned Officer were among deceased. An additional official was injured in the incident. The truck was part of a… pic.twitter.com/cEZQJNSTUm

— South Asia Times (@SATimes_TV) August 19, 2023

یہ حادثہ ہفتہ کی شام تقریباً 6:30 بجے پیش آیا۔ زخمی فوجی کو طبی امداد کے لیے منتقل کیا گیا، جائے حادثہ پر ریسکیو آپریشن جاری ہے۔

واضح رہے کہ لداخ کی وادی گالوان میں جون 2020 میں بھارت اور چین کے فوجیوں کے درمیان جھڑپ کے بعد سے دونوں ممالک کے درمیان شدید تناؤ ہے۔

چین کی جانب سے سرحد پر فوج کی تعیناتی بھی بڑھا دی گئی ہے۔ اس کے جواب میں بھارت نے نہ صرف سرحد پر فوج کی تعداد میں اضافہ کیا ہے بلکہ یہاں بڑے ہتھیار بھی نصب کیے گئے ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/Sqd2iTk