’بائیڈن انتظامیہ پاکستانی سیاست میں کوئی کردار ادا نہیں کر رہی‘

امریکی سینیٹر کرس وین ہالین نے کہا ہے کہ بائیڈن انتظامیہ پاکستانی سیاست میں کوئی کردار ادا نہیں کر رہی اپنے رہنماؤں کا انتخاب پاکستانی عوام نے کرنا ہے۔

اے آر وائی نیوز کے مطابق امریکی سینیٹر کرس وین ہالین نے واشنگٹن میں پاکستانی میڈیا سے گفتگو کرتے ہوئے کہا ہے کہ بائیڈن انتظامیہ پاکستانی سیاست میں کوئی کردار ادا نہیں کر رہی۔ میں بائیڈن انتظامیہ کے اہلکاروں سے مسلسل رابطے میں ہوں اور پورے اعتماد کے ساتھ کہتا ہوں کہ وہ پاکستانی سیاست میں ملوث نہیں ہیں تاہم بائیڈن انتظامیہ پاکستان کے ساتھ مضبوط تعلقات کی خواہشمند ہے۔

کرس وین نے مزید کہا کہ میں بھی پاکستانی سیاست پر براہ راست کوئی بات نہیں کرنا چاہتا۔ اپنے رہنماؤں کا انتخاب پاکستانی عوام نے کرنا ہے اور انہیں اپنی قیادت کے انتخاب کے لیے صاف اور شفاف انتخابات کا حق حاصل ہونا چاہیے۔

ان کا کہنا پاکستان میں گزشتہ سال آنے والے سیلاب متاثرین کے لیے امریکا ہی سب سے پہلے سامنے آیا تھا اور اس نے ہی معاشی ریلیف کیلیے آئی ایم ایف کے پاکستان کے ساتھ تعاون کو یقینی بنایا۔

کرس وین نے کہا کہ پاکستان کے ساتھ مضبوط تعلقات دونوں ملکوں کے مفاد میں ہیں، امریکی سینیٹر ہونے کی حیثیت سے پاکستان میں معاملات کو قریب سے دیکھ رہا ہوں۔ تمام معاملات کیلیے صاف اور شفاف انتخابات ضروری ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/IhybDeg