دبئی: جعلی ویزے پر سفر کرنا خاتون کو مہنگا پڑگیا

دبئی ایئرپورٹ پر جعلی شنگن ویزے پر یورپ کا سفر کرنے والی ایک افریقی خاتون کو حراست میں لے لیا گیا۔

غیر ملکی ذرائع ابلاغ کا اس حوالے سے کہنا ہے کہ دبئی ایئرپورٹ کے ایک اہلکار کو مسافر خاتون پر شک ہوا، اہلکار نے اس بات کو محسوس کیا کہ مذکورہ خاتون دبئی سمیت مختلف ہوائی اڈوں سے ٹرانزٹ کرتے ہوئے یورپ جانے کی خواہش مند ہے۔

خاتون سے جب ویزے کے بارے میں معلومات لی گئیں تو شک یقین میں بدل گیا کہ خاتون کہ کا ویزہ جعلی ہے، اہلکار نے مسافر خاتون کا کیس متعلقہ ادارے کے سپرد کر دیا جہاں تفتیش پرمعلوم ہوا کہ ویزا دو نمبر ہے۔

معاملہ کھلنے کے بعد خاتون کو پبلک پراسیکیوشن کے سپرد کردیا گیا، پبلک پراسیکیوشن نے خاتون پر انجانے شخص کے ساتھ مل کر جعلی ویزے کی فرد جرم عائد کر دی۔ مسافر خاتون کا اس حوالے سے کہنا تھا کہ اس نے امارات کا ویزہ ایک خاتون کے ذریعے حاصل کیا تھا۔

ملزمہ خاتون نے اپنا دفاع کرتے ہوئے کہا کہ ’ایجنٹ خاتون کو پاسپورٹ اور تصاویر دی تھیں جس کے کچھ عرصے بعد اسے اس کا پاسپورٹ امارات ہی نہیں بلکہ شنگن ویزے کے ساتھ واپس کیا گیا، خاتون کا کہنا تھا کہ مجھے اس بات کا قطعی طور پر علم نہیں کہ ویزا جعلی ہے۔

عدالت نے سارے معاملے کو سامنے رکھتے ہوئے مسافر خاتون کو دو ہفتے قید کی سزا سنائی اور اس کے ساتھ رحمدلی کا معاملہ کرتے ہوئے امارات سے بے دخل کرنے کا حکم سنایا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/GYFdpbQ