غزہ، اسرائیلی فوج کے حملوں میں مزید 55 فلسطینی شہید

غزہ اور مقبوضہ مغربی کنارے میں اسرائیلی فوج کی جانب سے شدید بمباری کا سلسلہ جاری ہے، شہداء کی تعداد 21 ہزار کے قریب پہنچ گئی ہے۔

غیر ملکی ذرائع ابلاغ کے مطابق وزارت صحت کا کہنا ہے کہ صیہونی حملوں میں اب تک 20 ہزار سے زائد فلسطینی شہید ہوچکے ہیں، شہدا میں 8 ہزاربچے، 6200 خواتین شامل، 6700 افراد لاپتہ ہیں۔

وزارت صحت کے مطابق مظالم کی انتہاء یہ ہے کہ 11 نہتے فلسطینیوں کو اہلخانہ کے ساتھ شہید کردیا گیا، اسرائیلی فضائیہ کی بمباری سے رفع اورخان یونس میں 55 افرادشہید ہوگئے۔

غزہ اور خان یونس میں رہائشی عمارتوں، مہاجر کیمپس اور اسپتالوں پرمسلسل حملے کئے جارہے ہیں، غزہ میں جاری جھڑپوں میں مزید 3 اسرائیلی فوجی ہلاک جبکہ 8 زخمی ہوچکے ہیں۔

عالمی ادارہ صحت کی جانب سے انکشاف کیا گیا ہے کہ شمالی غزہ میں کوئی بھی اسپتال فعال نہیں ہے، غزہ میں پانی کی شدید قلت کے باعث اموات اوربیماریوں میں اضافہ ہورہاہے۔

دوسری جانب حماس نے اسرائیل کے ہاتھوں مارے گئے تین یرغمالیوں کی ویڈیو جاری کر دی ہے۔

حماس نے ایک ویڈیو جاری کی ہے جس میں تین اسرائیلی اسیران کو دکھایا گیا ہے جو کہ اسرائیلی فوج کے ہاتھوں مارے گئے ہیں۔

مختصر ویڈیو کے آغاز میں کہا گیا ہے کہ”ہم نے انہیں زندہ رکھنے کی کوشش کی، لیکن نیتن یاہو نے انہیں مارنے پر اصرار کیا“۔

Hamas release a showing 3 hostages that they say were killed by Israel
"We tried to keep them alive, but Netanyahu insisted on killing them."
pic.twitter.com/LtolR1oBZT

— Dr.Sam Youssef Ph.D.,M.Sc.,DPT. (@drhossamsamy65) December 21, 2023

ویڈیو میں تینوں افراد کو دکھایا گیا ہے جب وہ زندہ تھے، مسکرا رہے تھے اور اپنے نام اور شناختی نمبر کے ساتھ سفید کاغذ پکڑے ہوئے تھے۔

ایک اور کلپ میں دکھایا گیا ہے کہ تینوں افراد ایک میز پر بیٹھے ہوئے ہیں جو ایک زیر زمین بنکر کی طرح لگتا ہے۔

ان کی شناخت ایلیا ٹولیڈانو کے نام سے ہوئی، جو ایک اسرائیلی-فرانسیسی شہری ہے۔ نک بیزر؛ اور رون شرمین، ایک اسرائیلی-ارجنٹینی ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/KreoZEY