یورپی یونین کا مصنوعی ذہانت کو کنٹرول کرنے کے لیے بڑا اقدام!

یورپی یونین نے مصنوعی ذہانت کے استعمال کو کنٹرول کرنے کے لیے تاریخی قواعد و ضوابط پر ایک عارضی معاہدے پر اتفاق کیا ہے۔

یورپی یونین کے پالیسی سازوں نے جس عارضی معاہدے پر اتفاق کیا ہے اس میں حکومتوں کی جانب سے بائیو میٹرک نگرانی میں مصنوعی ذہانت کے استعمال اور اے آئی سسٹمز جیسے چیٹ جی پی ٹی کو منظم کرنے کے حوالے سے بھی قواعد شامل ہیں۔

ماہرین اور اہم حکومتی اراکین کی طرف سے اس خبر پر اپنا ردعمل دیا جارہا ہے۔ ڈچ وزیر برائے ڈیجیٹلائزیشن الیگزینڈرا وین ہفیلن کا کہنا ہے کہ اے آئی کے سلسلے میں قوانین بنانے سے مواقع اور خطرات منصفانہ طور پر تقسیم ہوجائیں گے۔

انھوں نے کہا کہ آرٹیفیشل انٹیلیجنس بہت سے شعبوں میں جیسے زراعت، تعلیم، صحت اور سیکیورٹی میں اہم کردار ادا کرنے کے لیے تیار ہے۔

سی سی آئی اے یورپ کے سربراہ ڈینیئل فریڈلینڈر نے کہا کہ گزشتہ رات ہونے والا سیاسی معاہدہ اے آئی ایکٹ کے حوالے سے اہم اور ضروری تکنیکی کام کے آغاز کی نشاندہی کرتا ہے۔

ڈچ ایم ای اپی کم وان اسپاررینٹک جنھوں نے اے آئی قوانین کے مسودے پر کام کیا ہے، ان کا کہنا تھا کہ یورپ اپنا راستہ خود چنتا ہے اور چین کے زیراثر ریاست کی پیروی نہیں کرتا ہے۔

انھوں نے کہا کہ یورپی یونین کے ممالک کے ساتھ ایک بڑی لڑائی کے بعد، ہم نے اس قسم کے نظاموں کے استعمال کو محدود کر دیا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/Ojb5ioB