بھارتی کسانوں کا دہلی چلو مارچ، پولیس کا مظاہرین پر بدترین تشدد

بھارت میں کسانوں کی جانب سے اپنے مطالبات کے حصول کے لئے دہلی چلو مارچ چوتھے روز بھی جاری ہے، اس دوران پولیس سے تصادم کے باعث 100 سے زائد مظاہرین شدید زخمی ہوگئے۔

تفصیلات کے مطابق مودی سرکار اور ہریانہ پولیس کی جانب سے سکھ کسانوں پر تشدد کا سلسلہ جاری ہے، دہلی چلو مارچ کے شرکاء پرہریانہ پولیس کی جانب سے شیلنگ، پیلٹ گن سے وار کئے گئے۔

بھارتی میڈیا رپورٹ مظاہرین کیخلاف تصادم میں 3 کسان بینائی سے محروم ہوگئے، 100 سے زائد مظاہرین شدید زخمی ہو کر اسپتال منتقل ہوگئے۔

بھارتی میڈیا کا کہنا ہے کہ ہریانہ پولیس نے کسانوں کو روکنے کیلئے آنسو گیس کے گولے، ربڑکی گولیاں چلائیں۔

وزیر صحت پنجاب کے مطابق ہم نے 3 کسان مظاہرین کی آنکھوں کا معائنہ کیا مگر ہم ان کی بینائی نہیں بچاسکے۔ کسانوں کی بینائی پیلٹ گنز کے استعمال سے گئی ہے۔

بھارتی کسانوں کا آج سے پنجاب بھر میں ریلوے سروس معطل کرنے کا اعلان

بھارتی کسانوں کی جانب سے واضح اعلان کیا گیا ہے کہ مطالبات کی منظوری تک احتجاج جاری رہے گا اور مودی کی انتہا پسندانہ پالیسیوں کے باوجود اپنے حق کیلئے ڈٹے رہیں گے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/M6eqU7Z