بیٹوں اور پوتوں کی شہادت کے بعد حماس رہنما اسماعیل ہنیہ کا اسرائیل کو واضح پیغام

فلسطین کی آزادی کی تحریک حماس رہنما اسماعیل ہنیہ نے دوٹوک الفاظ میں کہا ہے کہ خاندان کو نشانہ بنائے جانے کے  باوجود پیچھے نہیں ہٹیں گے۔

غاصب صہیونی فوج نے عید کے روز بمباری کی تھی جس میں حماس لیڈر اسماعیل ہنیہ کے تین بیٹے اور تین پوتے شہید ہوگئے تھے تاہم یہ واقعہ بھی ان کے عزم کو نہ توڑ سکا اور انہوں نے اسرائیل کو واضح انداز میں پیغام دیا ہے۔

اسماعیل ہنیہ نے شہادتوں کا جنگ بندی کے لیے ہمارے مطالبات پر اثر نہیں پڑے گا اور ہم خاندان کو نشانہ بنائے جانے کے باوجود پیچھے نہیں ہٹیں گے۔

حماس رہنما نے کہا کہ جنگ بندی کیلیے اسرائیلی وزیراعظم  پر امریکا اور عالمی برداری کا  دباؤہے لیکن نیتن یاہو جنگ بندی معاہدے تک پہنچنے میں رکاوٹ ڈال رہا ہے۔

دوسری جانب یمنی حوثیوں نے خلیج عدن میں امریکی بحری جنگی جہاز پر حملے کا دعویٰ کیا ہے اور کہا ہے کہ تین دیگر بحری جہازوں پر بھی ڈرونز اور میزائلوں سے حملے کیے گئے۔ یہ حملے فلسطینیوں سے اظہار یکجہتی کی مہم کا حصہ ہیں۔

عید پر غزہ میں اسرائیل کی بمباری، اسماعیل ہنیہ کے 3 بیٹوں اور پوتوں سمیت 122 فلسطینی شہید

واضح رہے کہ اسرائیل فوج نے غزہ میں عید کے روز بھی وحشیانہ بمباری کی تھی جس کے نتیجے میں 122 فلسطینی شہید ہوئے تھے جن میں حماس لیڈر اسماعیل ہنیہ کے تین بیٹے اور تین پوتے بھی شامل ہیں۔

from ARY News Urdu- International- عالمی خبریں https://ift.tt/DGErQf2