بائیڈن کا مصری ہم منصب کو خط، جنگ بندی کی کوششیں تیز کرنے پرزور

امریکا کی جانب سے مشرقی وسطی کے ممالک کو جنگ بندی کی کوششیں تیز کرنے پر زور دیا گیا ہے۔

غیر ملکی ذرائع ابلاغ کے مطابق امریکی صدر جوبائیڈن نے مصری ہم منصب عبدالفتاح السیسی اور قطر کے امیر شیخ تمیم بن حمد الثانی کو خط لکھ دیا۔

امریکی صدر کا خط میں کہنا تھا کہ حماس اور اسرائیل کے درمیان جنگ بندی کرانے والے ثالث ممالک اپنی کوششیں تیز کریں۔ قطر اور مصر اسرائیل کیساتھ نئے معاہدے کیلئے حماس پر دباؤ بڑھائیں۔

واضح رہے کہ بات چیت کے نئے دور کیلئے امریکی خفیہ ایجنسی کے سربراہ ولیم برنز آئندہ چند روز میں مصر کا دورہ کریں گے۔

دوسری جانب امریکی انٹیلی جنس کا کہنا ہے کہ شام میں ایرانی سفارت خانے پر اسرائیلی حملے کے جواب میں ایران اسرائیل پر درجنوں ڈرونز سے حملہ کرسکتا ہے۔

امریکی نشریاتی ادارے کے مطابق شام میں ایرانی سفارتخانے پر اسرائیلی حملے کے بعد جوابی کارروائی کرتے ہوئے ایران اگلے ہفتے تک اسرائیل پرحملہ کرسکتا ہے۔

اسرائیلی جارحیت کی حد پار، قبلہ اول پر ڈرونز داغ دئیے

امریکی میڈیا کا اس حوالے سے کہنا تھا کہ انٹیلی جنس اداروں نے خدشہ ظاہر کیا ہے کہ ایران ممکنہ طور پر اسرائیلی سفارتی مرکز کو نشانہ بنا سکتا ہے۔

from ARY News Urdu- International- عالمی خبریں https://ift.tt/7j46n12