پاکستان میں موجود افغان خاندانوں کیلیے امریکی ویزے پر اہم وضاحت

امریکی محکمہ خارجہ کے نائب ترجمان ویدانت پٹیل نے پاکستان میں موجود افغان خاندانوں کے لیے امریکی ویزوں پر وضاحت کردی۔

پریس کانفرنس کے دوران پاکستان میں امریکی ویزوں کے انتظار میں موجود افغان خاندانوں سے متعلق سوال پر ترجمان نے کہا کہ افغان خاندانوں کےویزوں پر جلد کارروائی کی کوشش میں مصروف ہیں۔

امریکی محکمہ خارجہ کے ترجمان نے پاکستان میں صحافیوں کےقتل پر اظہارِ خیال کرتے ہوئے کہا کہ صحافیوں کوتحفظ فراہم کرنےکی ضرورت ہے صحافیوں کو اپنا کام کرنے کی اجازت دی جانی چاہیے صحافی چاہے  امریکا میں ہو چاہے پاکستان، خواہ وہ غزہ کی پٹی میں ہو یہ وہ معاملہ ہےجسےہم شدت سےمحسوس کرتے ہیں۔

ان کا کہنا تھا کہ اس معاملے کو وزیرخارجہ ٹونی بلنکن ذاتی طور پر دیکھتے ہیں آزادی صحافت کا معاملہ واضح طور پر ہمارے لیے ذاتی ہے۔

from ARY News Urdu- International- عالمی خبریں https://ift.tt/PuUftKW