’نیتن یاہو کو غزہ معاہدہ قبول کرنا چاہیے‘

اسرائیل کے اپوزیشن لیڈر نے کہا ہے کہ نیتن یاہو کو غزہ میں قیدیوں سے متعلق معاہدہ قبول کرنا چاہیے۔

حزب اختلاف کے رہنما یائر لاپڈ کا کہنا ہے کہ اسرائیلی وزیر اعظم کو امریکی کانگریس میں اعلان کرنا چاہیے کہ وہ معاہدے پر مکمل اتفاق کرتے ہیں اور اسیروں کی جلد واپسی کی تصدیق کرتے ہیں۔

ایکس پر پوسٹ میں، لیپڈ نے یہ بھی کہا کہ نیتن یاہو کو کانگریس میں اپنی تقریر کے دوران حمایت اور دوستی کے لیے صدر جو بائیڈن کا شکریہ ادا کرنا چاہیے۔

پیر کو وزیراعظم نے واشنگٹن میں اسیروں کے اہل خانہ سے ملاقات کی اور انہیں بتایا کہ ایک معاہدہ جو ان کے پیاروں کی رہائی کو یقینی بنائے گا قریب آ سکتا ہے۔

ایک الگ پوسٹ میں، لیپڈ نے نیتن یاہو پر شمالی اسرائیلی علاقوں کو چھوڑنے کا الزام لگایا جہاں سے لبنان کی حزب اللہ کے حملوں کی وجہ سے بڑی تعداد میں باشندے فرار ہو گئے ہیں۔

from ARY News Urdu- International- عالمی خبریں https://ift.tt/liUtsov