ویڈیو : پیٹرول مفت نہ دینے پر پولیس اہلکار کی پمپ ملازم کو جان سے مارنے کی کوشش

کیرالہ : بھارتی پولیس اہلکار نے ایندھن کے پیسے مانگنے پر پیٹرول پمپ ملازم پر گاڑی چڑھا دی بونٹ پر گرنے والے ملازم کو دور تک لے گیا۔

میڈیا رپورٹس کے مطابق بھارتی پولیس اہلکار پیٹرول ڈلوانے کے بعد بدمعاشی پر اتر آیا ملازم کے پیسے مانگنے پر اس پر گاڑی چڑھا دی جس پر ملازم کار کے بونٹ پر گرگیا۔

بھارتی ریاست کیرالہ کے ایک پولیس اہلکار کی ایک ویڈیو سوشل میڈیا پر وائرل ہو رہی ہے جس میں دیکھا جاسکتا ہے کہ اس نے پیٹرول پمپ کے ملازم کو پیٹرول کی رقم کی ادائیگی کا مطالبہ کرنے کے بعد کار کے بونٹ پر بٹھا دیا۔

ویڈیو میں پیٹرول پمپ ملازم انیل اور ملزم ڈرائیور سنتوش کمار کے درمیان بحث و مباحثہ ہوتا ہوا دکھایا گیا ہے جو اس حد تک بڑھ گیا کہ پولیس اہلکار نے گاڑی کے سامنے کھڑے انیل پر گاڑی چڑھادی جس کے بعد انیل خوش قسمتی سے زمین پر گرنے کے بجائے بونٹ پر گرگیا۔

اہلکار نے اس پر ہی بس نہ کی بلکہ گاڑی کو تیزے چلاتے ہوئے بونٹ سے چمٹے ہوئے پیٹرول پمپ ملازم کو ایک کلو میٹر دور تک اسی طرح لے گیا۔

اس واقعے کی ویڈیو وائرل ہونے کے بعد سوشل میڈیا صارفین کی جانب سے شدید غم و غصے کا اظہار کیا گیا اور لوگ مطالبہ کیا کہ مذکورہ پولیس اہلکار کے خلاف سخت کارروائی کی جائے۔

بعد ازاں متعلقہ پولیس حکام نے بتایا کہ پولیس اہلکار کے خلاف اقدام قتل کا مقدمہ درج کیا گیا ہے۔ انہوں نے کہا کہ ملزم کو معطل کرکے گرفتار کر لیا گیا ہے۔

from ARY News Urdu- International- عالمی خبریں https://ift.tt/hyDowkY