یوکرین نے روس کے اہم علاقے پر قبضہ کر لیا

یوکرین کا دعویٰ ہے کہ اس نے کرسک کے علاقے میں اسٹریٹیجک اہمیت کے حامل روسی قصبے پر مکمل قبضہ کر لیا ہے۔

یوکرین کے صدر ولادیمیر زیلنسکی نے کہا ہے کہ ان کے ملک کی افواج نے روسی علاقے میں دراندازی کرتے ہوئے کرسک کے علاقے میں اسٹریٹیجک اہمیت کے حامل روسی قصبے سودزہ کا مکمل کنٹرول حاصل کر لیا ہے۔

زیلنسکی نے جمعرات کو یہ بھی کہا کہ اس قصبے میں ایک فوجی کمانڈر کا دفتر قائم کیا جا رہا ہے جس کی آبادی تقریباً 5,000 افراد پر مشتمل تھی۔

سوڈزہ کے پاس روسی قدرتی گیس کی پیمائش کرنے والا اسٹیشن ہے جو یوکرین کی پائپ لائنوں کے ذریعے یورپ تک جاتا ہے۔

روس نے فوری طور پر زیلنسکی کے بیان پر کوئی ردعمل ظاہر نہیں کیا لیکن اس کی وزارت دفاع نے جمعرات کے اوائل میں کہا تھا کہ روسی افواج نے کئی دیگر کمیونٹیز کو لے جانے کی کوششوں کو روک دیا ہے۔

یوکرین کا کہنا ہے کہ اس نے مغربی روس میں 28 مقامات پر قبضہ کیا ہے، یوکرینی فوج کرسک میں ہزار اسکوائر کلومیٹر اندر تک داخل ہو گئے ہیں، دریں اثنا روسی فوج نے یوکرین کے 7 حملوں کو ناکام بنانے کا بھی دعویٰ کیا ہے۔

یوکرین کے اعلیٰ کمانڈر اولیکسینڈر سیرسکی نے ویڈیو لنک کے ذریعے صدر ویلودیمیر زیلنسکی کو آگاہ کرتے ہوئے کہا کہ ایک ہفتے سے جاری حیرت انگیز یوکرینی حملے کو پسپا کرنے کے لیے روس اب بھی جدوجہد کر رہا ہے، جب کہ یوکرینی فوج کی روسی علاقے میں پیش قدمی جاری ہے۔

from ARY News Urdu- International- عالمی خبریں https://ift.tt/zdHxnok