جوبائیڈن کا کینسر کے علاج کیلئے 150 ملین ڈالر فنڈ مختص کرنے کا اعلان

امریکی صدر جوبائیڈن نے سرطان جیسے مہلک مرض کے علاج کیلئے 150 ملین ڈالر فنڈ مختص کرنے کا اعلان کیا ہے۔

غیر ملکی میڈیا رپورٹ کے مطابق ڈیلاوئیر میں چار فریقی رہنماؤ سے ملاقات کے بعد مشترکہ پریس کانفرنس میں بائیڈن نے آسٹریلیا، بھارت اور جاپان کے تعاون سے ٹیومر کے علاج کیلئے جدید ٹیکنالوجی کو فروغ دینے کے عزم کا اعادہ کیا ہے۔

امریکی صدر جوبائیڈن نے کینسر مون شاٹ پروگرام کیلئے ایک سو پچاس ملین ڈالر کا فنڈ مختص کیاہے، اس موقع پربھارتی وزیراعظم نریندر مودی نے بھی سروائیکل کینسر سے لڑنے کے لیے نمونے لینے کی کٹس اور ویکسین کے لیے 5.7 ملین ڈالر کی امداد کا اعلان کیا۔

 رپورٹ کے مطابق آسٹریلیا، ہندوستان، جاپان اور امریکہ کے درمیان ایک سفارتی شراکت داری ہے، جو آزاد، کھلا، مستحکم اور خوشحال خطہ بنانے کا عزم رکھتی ہیں جہاں سبھی کو مساوی مواقع میسر آئیں۔

from ARY News Urdu- International- عالمی خبریں https://ift.tt/qzHYd81