انڈونیشیا : ٹیک آف سے پہلے مسافر طیارہ کو حادثہ : متعدد زخمی

جکارتہ : انڈونیشیا میں ایک مسافر طیارہ ٹیک آف سے کچھ لمحے قبل بڑے حادثے سے بال بال بچ گیا، اڑان بھرنے سے پہلے ہی رن وے پر پھسل گیا۔

غیر ملکی خبر رساں ادارے کی رپورٹ کے مطابق کہ انڈونیشیا کے مشرقی علاقے پاپوا میں پیر کے روز ایک طیارہ جس میں 48 افراد سوار تھے، رن وے سے پھسل گیا واقعے میں متعدد مسافر زخمی ہوگئے۔

رپورٹ کے مطابق جنوب مشرقی ایشیائی جزیرہ نما پاپوا پہاڑی خطے میں ڈھکا ہوا ہے جہاں بار بار خراب موسم کی وجہ سے پرواز میں رکاوٹ پیدا ہوتی ہے۔

تریگانا ایئر سے تعلق رکھنے والا اے ٹی آر 42 طیارہ پیر کی صبح یاپن جزیرے کے ایک ہوائی اڈے سے دارالحکومت جایا پورا کے لیے پرواز کرنے ہی والا تھا کہ ٹیک آف سے پہلے رن وے سے پھسل گیا۔ پرواز میں ایک بچے سمیت 42 مسافر اور عملے کے چھ افراد سوار تھے۔

جہاز کا توازن بگڑتے ہی مسافروں میں چیخ و پکار مچ گئی، متعدد مسافر جھٹکے لگنے سے شدید زخمی ہوگئے جنہیں بعد ازاں بی امداد کیلیے اسپتال منتقل کرنا پڑا۔

اس حوالے سے پولیس حکام کا کہنا ہے کہ ہم اس واقعے کی تحقیقات اور متعلقہ فریقوں کے ساتھ رابطہ کر رہے ہیں تاکہ یہ یقینی بنایا جاسکے کہ ایسا دوبارہ کبھی نہ ہو۔

یاد رہے کہ سال2015 میں ٹریگانا ایئر کا ایک طیارہ اسی علاقے میں گر کر تباہ ہو گیا تھا جس میں سوار تمام 54 افراد ہلاک ہوگئے تھے۔

from ARY News Urdu- International- عالمی خبریں https://ift.tt/oFelkqc