آسٹریلیا میں دہشت گردی واقعے پر امریکی صدر کا شدید ردعمل

امریکی صدر ڈونلڈ ٹرمپ نے نیویارک یورنیورسٹی اور آسٹریلیا میں دہشت گردی کے واقعے پر اپنے شدید ردعمل کا اظہار کیا ہے۔

واشنگٹن میں میڈیا سے گفتگو کرتے ہوئے انہوں نے کہا کہ شمالی نیویارک یورنیورسٹی اور آسٹریلیا میں دہشت گردی کا واقعہ انتہائی قابل مذمت ہے۔

صدر ٹرمپ نے کہا کہ آسٹریلیا کے بونڈائی بیچ پرخوفناک حملہ ہوا ہے، تہوار منانے والوں کی حفاظت یقینی بنائی جائے گی۔

امریکی صدر کا کہنا تھا کہ مذہبی تہوار منانے والوں کو کسی قسم کی تشویش کی ضرورت نہیں، لوگ فخر سے تہوار منائیں اور اپنی شناخت پر ناز کریں۔

ایک سوال کے جواب میں ڈونلڈ ٹرمپ نے کہا کہ آسٹریلیا میں ہونے والا حملہ واضح طور پر یہود مخالف تھا، امریکی صدر نے متاثرہ خاندانوں سے ہمدردی کا اظہار کیا ہے۔

انہوں نے کہا کہ شام میں امریکی فوجیوں پر حملہ شامی حکومت نے نہیں داعش نے کیا تھا، برے لوگوں نے3محب وطن افراد کو ہلاک کیا،حملہ کرنے والوں کو بھاری نقصان اٹھانا پڑے گا۔

مزید پڑھیں : سڈنی میں ساحل پر فائرنگ، 12 افراد ہلاک، 29 زخمی

آسٹریلیا کے شہر سڈنی کے مشہور بونڈی ساحل پر حملہ آوروں کی فائرنگ میں 12 افراد ہلاک اور 29 زخمی ہو گئے۔

بونڈی بیچ پر مسلح حملہ آوروں کی فائرنگ کے نتیجے میں ہلاک افراد کی تعداد 12 ہو گئی ہے جب کہ 29 زخمی ہوئے ہیں، زخمیوں میں دو بچے بھی شامل ہیں۔

میڈیا رپورٹس کے مطابق واقعہ ایسے وقت پیش آیا جب ساحل پر یہودی تہوار منانے کے لیے دو ہزار سے زائد افراد جمع تھے۔ فائرنگ سے افراتفری پھیل گئی۔

from ARY News Urdu- International- عالمی خبریں https://ift.tt/HrTA8k4