بھکر: دو مغوی طالبات بازیاب، 5 ملزمان گرفتار

راولپنڈی : پولیس نے میٹرک کی دو مغوی طالبات کو بھکر سے بازیاب کرکے 5 ملزمان کو گرفتار کرلیا ہے، مغویان کو تین مختلف مقامات پر فروخت کیا گیا تھا۔

تفصیلات کے مطابق راولپنڈی پولیس نے دو ماہ قبل اغواء ہونے والی دسویں جماعت کی دو طالبات کو بھکر سے بازیاب کرالیا۔

اس حوالے سے پولیس کا کہنا ہے کہ دسویں جماعت کی دونوں طالبات کو تھانہ رتہ امرال کی حدود ڈھوک حسو سے دو ماہ قبل اغواء کیا گیا تھا۔

پولیس کا کہنا ہے کہ واقعہ میں ملوث 5اغواء کاروں کو گرفتار کرلیا گیا ہے، اغواء کے بعد دونوں طالبات3 مختلف جگہوں پر فروخت کی گئیں۔

اغواء کاروں کو خفیہ معلومات کے بعد ٹریس کرکے گرفتار کیا گیا، دونوں طالبات مبینہ طور پر زیادتی کا نشانہ بنی ہیں ان کا طبی معائنہ کرایا جائے گا، پولیس کے مطابق گرفتار ملزمان لڑکیوں کےاغواء اور فروخت کے واقعات میں ملوث ہیں۔

The post بھکر: دو مغوی طالبات بازیاب، 5 ملزمان گرفتار appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3COqQSt