کراچی میں شدید بارشیں، خطرے کی گھنٹی بج گئی

کراچی: محکمہ موسمیات سردار سرفراز کا کہنا ہے کہ آج سے 2 اکتوبر تک کراچی میں بارشیں ہوں گی جس سے شہر میں اربن فلڈنگ کا خطرہ ہے۔

تفصیلات کے مطابق محکمہ موسمیات سردار سرفراز نے اے آر وائی نیوز کے مارننگ شو باخبر سویرا میں گفتگو کرتے ہوئے بتایا کہ گزشتہ روز ہونے والی بارش پچھلے سسٹم کی باقیات تھی، آنے والا سسٹم آج سے بارش برسا سکتا ہے۔

ڈائریکٹر کا کہنا ہے کہ آج سے 2 اکتوبر تک بارشوں سے کراچی میں اربن فلڈنگ کا خطرہ ہے۔

انہوں نے بتایا کہ گلاب نامی طوفان بھارت کو ہٹ کر چکا ہے، لوئر سندھ اور بلوچستان میں بھی موسلا دھار بارشیں ہوسکتی ہیں۔ گلاب کے اثرات سندھ کی ساحلی پٹی پر ہوں گے۔

یاد رہے کہ گزشتہ روز شہر قائد کے علاقے صدر میں مائیکرو کلاؤڈ برسٹ ہوا تھا جس کے نتیجے میں شدید بارشیں ہوئیں اور حد نگاہ کچھ دیر کے لیے صفر ریکارڈ کی گئی تھی۔

صدر سمیت شہر کے دیگر علاقوں میں بھی تیز بارش ہوئی۔

The post کراچی میں شدید بارشیں، خطرے کی گھنٹی بج گئی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3AJ5OUK