بھارت میں پاکستان کی فتح کا جشن منانے پر تین کشمیری طلبا گرفتار

نئی دہلی : بھارت میں پاکستان کرکٹ ٹیم کی فتح کا جشن منانے والے تین کشمیری طلبا کو پولیس نے آگرہ سے گرفتار کرلیا۔

تفصیلات کے مطابق پاکستان کا روایتی حریف بھارت کے خلاف جیت کا جشن بھارتی شہروں میں بھی منایا جو بھارتی انتہا پسندوں سے برداشت نہ ہوا۔

انتہا پسند بھارت پولیس نے گرین شرٹس کی فتح کا جشن منانے والے تین کشمیری طالب علموں کو آگرہ سے گرفتار کرلیا۔

بھارتی میڈیا کی رپورٹ کے مطابق گرفتار کشمیری طلبا کا کالج پہلے ہی ان کا داخلہ اسی وجہ سے منسوخ کر چکا ہے کیوں کہ انہوں نے واٹس ایپ اسٹیٹس پر پاکستانی کرکٹرز کی تعریف کی تھی۔

پولیس کے مطابق ان طلبا کو بی جے پی کے کچھ ممبران کی شکایت پر گرفتار کیا گیا ہے، جس کے بعد گرفتار طلبا کے خلاف نفرت پھیلانے اور سائبر ٹیرر ازم جیسی دفعات کے تحت مقدمات درج کئے گئے ہیں۔

خیال رہے کہ پاکستان نے بھارت کو ٹی ٹوئنٹی ورلڈ کپ میں 10 وکٹوں سے عبرتناک شکست سے دوچار کیا تھا۔

The post بھارت میں پاکستان کی فتح کا جشن منانے پر تین کشمیری طلبا گرفتار appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3pMvltv