وزیراعظم عمران خان کی زیر صدارت قومی سلامتی کمیٹی کااجلاس آج ہوگا

اسلام آباد : وزیراعظم عمران خان نے قومی سلامتی کمیٹی کا اجلاس آج طلب کرلیا ہے ، جس میں افغانستان اور عمومی سیکیورٹی صورتحال پر غور کیا جائے گا۔

تفصیلات کے مطابق وزیراعظم عمران خان کی زیر صدارت قومی سلامتی کمیٹی کااجلاس آج ہوگا، جس میں مسلح افواج کے سربراہان، انٹیلی جنسی ایجنسیزکےنمائندےشریک ہوں گے جبکہ خزانہ، دفاع اور خارجہ کے وزراء سمیت وزیر مملکت برائے داخلہ شرکت کریں گے۔

اجلاس میں افغانستان،عمومی سیکیورٹی صورتحال پرغور کیا جائے گا اور دیگر معاملات پر بھی بریفنگ دی جائے گی۔

یاد رہے اگست میں وزیراعظم عمران خان کی زیرصدارت قومی سلامتی کمیٹی کااجلاس ہوا تھا ، جس میں افغانستان کی صورت حال اور اس کے پاکستان پر اثرات پربریفنگ دی گئی۔

اعلامیہ میں کہا گیا تھا کہ افغان مسئلے کا کبھی کوئی فوجی حل نہیں تھا، پاکستان افغان مسئلے کے جامع سیاسی حل کے لیے پرعزم ہے۔

The post وزیراعظم عمران خان کی زیر صدارت قومی سلامتی کمیٹی کااجلاس آج ہوگا appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3oJGfjq