ایکوڈور کا جیل ‘قبرستان’ بن گیا، ہر طرف لاشیں ہی لاشیں

کوائیٹو: ایکواڈور کی جیل میں ایک بار پر شدید ہنگامے پھوٹ پڑے، پرتشدد فساد کے دوران اڑسٹھ افراد ہلاک ہوگئے ہیں۔

میڈیا رپورٹ کے مطابق ایکواڈور کے انتہائی بدنام جیلوں میں سے ایک میں ساحلی شہر گوایاکوئل کی جیل میں پرتشدد فساد کے دوران کم از کم 68 افراد ہلاک جبکہ متعدد زخمی ہوئے ہیں۔

اطلاعات ہیں کہ مخالف گروہوں سے تعلق رکھنے والے مسلح قیدیوں کے درمیان جھڑپوں میں دونوں گروہوں کے لوگوں نے بندوقیں، چاقو اور دھماکہ خیز مادے استعمال کیے جس کے باعث بڑے پیمانے پر ہلاکتیں ہوئی۔

ایکواڈور کے جیلوں کا نظام انتہائی خراب ہے، وہ تصادم کی وجہ سے جنگ کا میدان بن چکے ہیں، منشیات کے غیر قانونی کاروبار سے منسلک گروہوں سے وابستہ قیدیوں کے درمیان تصادم معمول کی بات ہے۔

وسطی امریکی ریاست میں جیلوں میں ہلاکت خیز تصادم کا یہ تازہ ترین واقعہ ہے، رواں برس ستمبر میں بھی جیل ہنگاموں میں ایک سو انیس افراد ہلاک ہوئے تھے۔

The post ایکوڈور کا جیل ‘قبرستان’ بن گیا، ہر طرف لاشیں ہی لاشیں appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3qB96ar