براہِ راست سعودی عرب کی پروازیں کب سے کھلیں گی؟ حکومت نے بتا دیا

ریاض: سعودی محکمہ پاسپورٹ وامیگریشن(جوازات) نے مملکت کے لیے براہ راست پروازوں کے حوالے سے پوچھے گئے سوال پر وضاحت جاری کی ہے۔

عرب میڈیا کی رپورٹ کے مطابق جوازات کے ٹوئٹر ہینڈل پر ایک شہری نے سفری پابندی سے متعلق استفسار کیا کہ مملکت کے لیے براہ راست فلائٹس کب تک کھلیں گی؟۔

محکمہ پاسپورٹ نے بتایا کہ جیسے ہی اس بارے میں پالیسی کا اعلان ہوگا مطلع کردیں گے۔

خیال رہے کہ سعودی حکومت کی جانب سے سفری پابندیوں کے حوالے سے ممنوعہ ممالک سے تعلق رکھنے والے وہ اقامہ ہولڈرز جو خروج وعودہ پر اپنے ملک گئے ہوئے ہیں اور موجودہ پابندی کے باعث مملکت نہیں آسکتے۔

سفری پابندی سے متاثرہ غیرملکیوں کے اقاموں اور خروج وعودہ کی مدت میں 30 نومبر تک مفت توسیع کے احکامات پر عمل جاری ہے۔

محکمہ پاسپورٹ اور نیشنل ڈیٹا بیس سینٹر کے اشتراک سے معاملات مکمل کیے جا رہے ہیں۔ اقاموں اور خروج وعودہ کی مدت میں مفت توسیع مرحلہ وار کی جا رہی ہے۔

The post براہِ راست سعودی عرب کی پروازیں کب سے کھلیں گی؟ حکومت نے بتا دیا appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3CqFtep