پنجاب میں چینی ذخیرہ کرنیوالوں کیخلاف کریک ڈاؤن، ہزاروں بوریاں برآمد

لاہور : پنجاب میں چینی کی ذخیرہ اندوزی کرنے والوں کیخلاف کارروائیوں میں مختلف شہروں سے چینی کے ہزاروں بوریاں برآمد کرلی گئیں۔

‌تفصیلات کے مطابق پنجاب میں انتظامیہ کا چینی کی ذخیرہ اندوزی کرنے والوں کیخلاف کریک ڈاؤن جاری ہے ، فیصل آباد میں مہنگی چینی بیچنے پر شوگرملز کا گودام سیل کرکے 50کلووالی 44ہزاربوریاں ضبط کرلی گئیں۔

ڈپٹی کمشنر کا کہنا ہے کہ شوگر ملز سے چینی کاسرکاری ایکس ملز ریٹ 85 روپے کلو مقرر ہے، ملز انتظامیہ ڈیلرز سے 135 روپے فی کلو وصول کر رہی تھی۔

ڈپٹی کمشنرآفس نے مزید بتایا کہ ناجائز منافع خوری سےبازارمیں چینی کی قیمت 160 روپے فی کلو ہو گئی ، ملز انتظامیہ نے چینی کی فروخت کا ریکارڈ بھی فراہم نہ کیا۔

چشتیاں میں اسپشل برانچ کی نشان دہی پر اسسٹنٹ کمشنر نے چینی کےگوداموں پرچھاپہ مارا اور کارروائی میں گوداموں سے چینی کے 3ہزار سے زائد تھلے برآمد کرلئے۔

چشتیاں:انتظامیہ نے سندھ جانے والاچینی کے تھیلوں سےبھراٹریلربھی پکڑلیا ، برآمد کی گئی چینی کی قیمت2کروڑ15لاکھ روپے سے زائد ہیں۔

رینالہ خورد میں بھی ذخیرہ اندوزوں کے خلاف انتظامیہ اور اسپیشل برانچ نے کارروائی کرتے ہوئے غیر قانونی گودام میں ذخیرہ 413 بوری چینی برآمد کرلی۔

چیچہ وطنی میں بھی اسسٹنٹ کمشنر نے گرجا گھر روڈ پرگودام پر چھاپہ مارا اور غیرقانونی ذخیرہ چینی کے 900 سے زائد تھیلے برآمد کرلیے، اسسٹنٹ کمشنر کا کہنا تھا کہ گودام میں ذخیرہ چینی رجسٹر نہیں کرائی گئی تھی۔

ہارون آباد میں بھی اسسٹنٹ کمشنر نے چینی کے گوداموں پر چھاپہ مار کر 730 چینی کے تھیلےبرآمد کرلئے جبکہ 2گوداموں کو سیل اور 14 دوکانوں کو جرمانے اور سیل کردیا گیا ہے، برآمد چینی کی مارکیٹ میں مالیت پچاس لاکھ روپے بتائی جا رہی ہے۔

The post پنجاب میں چینی ذخیرہ کرنیوالوں کیخلاف کریک ڈاؤن، ہزاروں بوریاں برآمد appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3qkxJI6