ڈسکہ انتخابات کی رپورٹ نے دودھ کا دودھ پانی کاپانی کردیا، حمزہ شہباز

لاہور : ن لیگ کے رہنما حمزہ شہباز نے کہا ہے کہ ڈسکہ انتخابات میں دھاندلی سے متعلق الیکشن کمیشن کی رپورٹ آچکی ہے، دودھ کا دودھ پانی کاپانی ہوگیا۔

منی لانڈرنگ ریفرنس کی سماعت کے بعد عدالت کے باہر میڈیا سے گفتگو کرتے ہوئے انہوں نے کہا کہ نیازی صاحب آپ پنجاب حکومت کیخلاف جہاد کریں، ہم ساتھ دینگے۔

حمزہ شہباز کا کہنا تھا کہ نیازی صاحب آپ اپنے خلاف بھی جہاد کریں، چینی،آٹا مہنگا ہوگئے،آپ کے اپنے کمیشن نے کہا کہ اربوں کا غبن ہوا ہے۔

قبل ازیں لاہور کی احتساب عدالت میں شہباز شریف اور حمزہ شہباز کیخلاف منی لانڈرنگ ریفرنس کی سماعت ہوئی، شہباز شریف کی جانب سے حاضری سے معافی کی درخواست دائر کی گئی معافی کی درخواست ان کے وکیل نے دائر کی۔

درخواست میں استدعا کی گئی ہے کہ شہباز شریف قومی اسمبلی سیشن کے سلسلے میں اسلام آباد میں مصروف ہیں، لہٰذا عدالت آج کی حاضری معافی کی درخواست منظور کرے۔

The post ڈسکہ انتخابات کی رپورٹ نے دودھ کا دودھ پانی کاپانی کردیا، حمزہ شہباز appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/2YHQ1YG