بینک سے رقم لے کر نکلنے والا شہری جمع پونجی سے محروم

کراچی کے علاقے گلستان جوہر میں بینک سے رقم لے کر نکلنے والے شہری کو ڈاکوؤں نے دن دہاڑے لوٹ لیا، شہری کو لوٹنے کی سی سی ٹی وی فوٹیج اے آر وائی نیوز نے حاصل کرلی ہے۔

اس حوالے سے پولیس کا کہنا ہے کہ مذکورہ شہری سے گیارہ لاکھ روپے کی رقم چھین لی گئی، اے آر وائی نیوز کو ملنے والی واردات کی سی سی ٹی وی فوٹیج میں بے بس  شہری کو ڈاکوؤں کے  پیچھے بھاگتے دیکھا جاسکتا ہے۔

ایک موقع پر ڈاکو اور شہری آپس میں گتھم گتھا بھی ہوئے، اس دوران ڈاکو نے شہری پرفائر کرنے کیلئے اس پر گن بھی تانی تاہم ملزمان فرار ہونے میں کامیاب ہوگئے۔

متاثرہ شہری نے بتایا کہ پولیس واردات کے2گھنٹےبعد جائےوقوع پر پہنچی، میری عمر بھر کی جمع پونجی کی رقم اور پلاٹس کی فائل ڈاکو لے کر فرار ہوگئے۔

پولیس کا کہنا ہے کہ شہری کو لوٹنے کا مقدمہ درج کرلیا گیا ہےجبکہ ملزمان کی تلاش جاری ہے۔

The post بینک سے رقم لے کر نکلنے والا شہری جمع پونجی سے محروم appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3D7PCNZ