پیٹرول کی نئی قیمتوں کا اعلان

ریاض: سعودی عرب میں ماہِ نومبر کے لیے پیٹرول کے نئے نرخوں کا اعلان ہوگیا ہے۔

عرب میڈیا کی رپورٹ کے مطابق سعودی آئل کمپنی ‘آرامکو’ نے گزشتہ شب نومبر کے لیے پیٹرول کی نئی قیمتیں شایع کیں، مملکت میں سابقہ نرخ برقرار رکھے گئے ہیں۔

رپورٹ میں بتایا گیا کہ نئے نرخ 11 نومبر سے نافذ العمل ہوں گے اور 10 دسمبر تک جاری رہیں گے۔

سعودی عرب میں نومبر کے لیے مملکت کے تمام ریجنز میں پیٹرول 91 کے نرخ فی لٹر دو ریال 18 ہلالہ جبکہ پٹرول 95 کے نرخ 2 ریال 33 ہلالہ برقرار رکھے گئے ہیں۔

اسی طرح ڈیزل 52 ہلالہ فی لٹر اور کیروسین 70 ہلالہ فی لٹر میں دستیاب ہوگا جبکہ ایل پی جی کے نرخ 75 ہلالہ ہیں۔

خیال رہے کہ آرامکو کی جانب سے ہر ماہ کی دس تاریخ کو پیٹرول اور ڈیزل کے نئے نرخ متعین کیے جاتے ہیں، اس مرتبہ پرانے نرخ برقرار رکھے گئے ہیں۔

The post پیٹرول کی نئی قیمتوں کا اعلان appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3olF7QW