پشاور کا پائلٹ جہاز سمیت کُنڈ ملیر سے لاپتا

پشاور سے تعلق رکھنے والا پائلٹ خود کے تیار کردہ جہاز سمیت بلوچستان کے علاقے کُنڈ ملیر سے لاپتا ہوگیا۔

اے آر وائی نیوز کے مطابق ذرائع کا کہنا ہے کہ پشاور سے تعلق رکھنے والا پائلٹ خود کے تیار کردہ جہاز سمیت کنڈ ملیر سے لاپتا ہوگیا، اجمل قاضی کو یاسر نامی شخص نے سیاحتی مقاصد کے لیے کنڈ ملیر بلایا تھا۔

اجمل قاضی نے اپنے بھائی کے ساتھ جہاز کو ٹرک پر لاد کر دو دسمبر کو کنڈ ملیر پہنچا تھا۔

ذرائع کے مطابق دو دسمبر کی شام کنڈ ملیر میں اجمل قاضی نے اپنے تیار کردہ جہاز کو اُڑایا، 1500 فٹ بلندی پر اجمل قاضی نے اطلاع دی کچھ دکھائی نہیں دے رہا۔

چچا کا کہنا ہے کہ پیغام پہنچنے کے بعد اجمل قاضی سے دوبارہ رابطہ بحال نہیں ہوسکا، اہلخانہ نے خدشہ ظاہر کیا ہے کہ اجمل کا جہاز پہاڑ سے ٹکرایا ہے یا پھر سمندر میں گرا ہے۔

پائلٹ کے اہلخانہ نے لاپتا اجمل قاضی کو تلاش کرنے کے لیے اعلیٰ حکام سے مدد کی اپیل کی ہے۔

The post پشاور کا پائلٹ جہاز سمیت کُنڈ ملیر سے لاپتا appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3onRv4b