این اے 133 میں ضمنی انتخاب کا میدان سج گیا

لاہور: این اے133 میں ضمنی الیکشن کےلئے پولنگ کا آغاز ہوگیا ہے، پیپلز پارٹی اور نون لیگ کے درمیان کڑے مقابلے کی توقع ہے۔

تفصیلات کے مطابق این اے133ضمنی الیکشن کیلئے پولنگ کا عمل شروع ہوگیا ہے جو کسی تعطل کے شام 5 بجے تک جاری رہے گا، 4لاکھ40ہزار485ووٹرزحق رائےدہی استعمال کریں گے۔

حلقےمیں مرد ووٹرز کی تعداد 2لاکھ33ہزار558 جبکہ خواتین ووٹرزکی تعداد2لاکھ6ہزار927ہیں، اہم ترین علاقوں میں وفاقی کالونی، جوہرٹاؤن، ٹاؤن شپ،گرین ٹاؤن اور بہارکالونی شامل ہیں۔

یہ بھی پڑھیں: این اے133: الیکٹرانک ووٹنگ مشین سے متعلق اہم فیصلہ

این اے133کےانتخاب میں 11امیدوارحصہ لےرہےہیں تاہم ن لیگ کی شائستہ پرویز ملک اور پیپلزپارٹی کے اسلم گل میں زوردار مقابلہ متوقع ہے، مذکورہ نشست مسلم لیگ ن کےپرویز ملک کےانتقال کےباعث خالی ہوئی تھی۔

مزید پڑھیں: این اے133 میں ووٹ خریدنے کی مبینہ ویڈیو لیک، پی ٹی آئی کا بڑا مطالبہ

یاد رہے کہ شائستہ پرویز ملک مسلم لیگ کے مرحوم رہنما پرویز ملک کی اہلیہ ہیں۔

ضمنی الیکشن کے لئے 245 پولنگ اسٹیشن قائم کئے گئے ہیں، دوران پولنگ امن و امان کی صورتحال کو یقینی بنانے کیلئے 2 ہزار سے زائد پولیس اہلکار تعینات کئے گئے جبکہ رینجرز اہلکار پولنگ اسٹیشن کے باہر موجود ہیں، پولنگ اسٹیشن میں داخلے کے وقت ووٹرز کو موبائل فون ساتھ لانے کی اجازت نہیں ہے۔

ضرور پڑھیں: این اے133 ضمنی الیکشن : پی ٹی آئی امیدوار جمشید اقبال کا بڑا فیصلہ

حکمران جماعت پاکستان تحریک انصاف کے امیدوار جمیشد اقبال چیمہ اور مسرت چیمہ الیکشن سے باہر ہوچکے، ان کے تجویز کنندہ کا ووٹ این اے 133میں رجسٹرڈ نہ ہونے پر کاغذات مسترد ہوگئے تھے۔

The post این اے 133 میں ضمنی انتخاب کا میدان سج گیا appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3DoZ7Ys