‘کراچی میں اس جماعت کی وزارت اعلیٰ ہے جس کا اسٹیک نہیں’

اسلام آباد : پی ٹی آئی رہنما علی محمد خان نے ووٹ کی طاقت سے منتخب ہونے والے میئر کو اختیارات دینے کا مطالبہ کردیا۔

ان خیالات کا اظہار پاکستان تحریک انصاف کے رہنما علی محمد خان نے اے آر وائی نیوز کے پروگرام الیونتھ آور میں کیا، انہوں نے کہا کہ عوام کو اپنے مسائل کا حل چاہیے اور اچھی قانون سازی کے ذریعے ہی کراچی والوں کو ریلیف مل سکتا ہے۔

انہوں نے کہا کہ ووٹ کی طاقت سے جو میئر آتا ہے اسے اختیارات دئیے جائیں لیکن پیپلز پارٹی کو خدشہ ہے کہ میئر کو اختیارات دئیے تو وہ جیت نہیں سکے گی۔

علی محمد خان کا کہنا تھا کہ المیہ ہے اپوزیشن ممبران کو کمیٹی کی چیئرمین شپ تک نہیں دی گئی۔

رہنما پی ٹی آئی نے پروگرام میں کہا کہ کراچی میں اس جماعت کی وزارت اعلیٰ ہے جس کا وہاں کوئی اسٹیک نہیں، کراچی والوں پر رحم کریں اور میئر کو اختیارات دیں۔

انہوں نے کہا کہ لوکل گورنمنٹ کو اختیارات دئیے بغیر 18 ویں ترمیم پر عمل درآمد مکمل نہیں ہوگا لیکن پیپلزپارٹی کو خدشہ ہے میئر کو اختیارات دیے تو وہ جیت نہیں سکےگی۔

علی محمد خان نے کہا کہ مراد علی شاہ نے ریاست کے خلاف بات کی حالانکہ پیپلز پارٹی کے وزیراعلیٰ سے ان الفاظ کی ادائیگی کی امید نہیں تھی۔

The post ‘کراچی میں اس جماعت کی وزارت اعلیٰ ہے جس کا اسٹیک نہیں’ appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3218ReL