طلبہ کے داخلوں کا معاملہ: سندھ حکومت کا پنجاب یونیورسٹی کو خط

پنجاب یونیورسٹی کی جانب سے انٹرمیڈیٹ کے نتائج میں تاخیر پر سندھ کے طلبہ کے داخلے رد کرنے پر سندھ ‏حکومت نےوفاق اور پنجاب یونیورسٹی کو خط لکھ دیا۔ ‏

سندھ حکومت نے وفاقی حکومت اور پنجاب یونیورسٹی کو خط لکھتے ہوئے کہا ہوئے مطالبہ کیا ہے کہ سندھ ‏کے طلبہ کا مستقبل داؤ پر ہے جس میں طلبہ کا کوئی قصور نہیں ان کے داخلہ نہ روکے جائیں۔

سندھ کے وزیر جامعات و بورڈز محمد اسماعیل راہو کا کہنا تھا کہ پنجاب یونیورسٹی اور دیگر یونیورسٹیوں میں ‏سندھ کےطلبہ کے عارضی داخلے معطل کرنا سخت ناانصافی ہے وفاق اور پنجاب حکومت جانتے ہیں کہ کورونا ‏کی وجہ سے سب سے زیادہ ملک میں تعلیمی عمل متاثر ہوا ہے۔‎

‎اسماعیل راہو کا کہنا تھا کہ کورونا وبا کے دوران تعلیمی سرگرمیاں زیادہ عرصہ معطل رہیں یا 50 فی صد حاضری ‏پر روٹیشین پالیسی کے تحت جاری رہیں انٹرمیڈیٹ کے امتحانات ہر سال اپریل میں لئے جاتے ہیں لیکن کووڈ 19 ‏وبا کے باعث جولائی 2021 میں لیے گئے کورونا وبا کے باعث امتحانی پرچوں کا شیڈول ستمبر تک جاری رہا۔

وزیربرائے جامعات بورڈز نے کہا کہ تعلیمی بورڈز میں عملے کی 50 فی صد حاضری کے باعث نتائج کی تیاری اور ‏اعلان میں تاخیر ہوئی، وزارت بین الصوبائی رابطہ کے اجلاس میں امتحانات اور نتائج میں تاخیر کا معاملہ تمام ‏اعلیٰ حکام کے سامنے اٹھایا گیا تھا, سندھ حکومت دیگر صوبوں کے طلبہ کے داخلوں، تعلیمی سرگر میوں اور ‏دیگر معاملات پر بھرپور تعاون فراہم کر رہی ہے.‏

اسماعیل راہو کا مزید کہنا تھا کہ سندھ حکومت دوسرے صوبوں سے سندھ کے طلبہ کے ساتھ اسی طرح کے ‏ردعمل کی امید رکھتی ہے سیکرٹری یونیورسٹیز اور بورڈز سندھ نے رجسٹرار پنجاب یونیو رسٹی کوخط لکھا ہے۔

The post طلبہ کے داخلوں کا معاملہ: سندھ حکومت کا پنجاب یونیورسٹی کو خط appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3GpccTL