کراچی میں دودھ کی نئی قیمت کا اعلان

پاکستان کی سب سے بڑی آبادی والے شہر کراچی میں دودھ کی نئی سرکاری قیمت مقرر کر دی گئی۔

کمشنرکراچی اقبال میمن نے مشاورت کے بعد شہر میں دودہ کی نئی قیمت 120 روپے فی لیٹر مقرر کر دی جا کا ‏باقاعدہ نوٹیفکیشن جاری کر دیا گیا ہے۔

دودھ کی نئی قیمت کا اطلاق جمعرات سے ہو گا۔

یہ فیصلہ کمشنرکراچی کی سربراہی میں قائم جائزہ کمیٹی کی رپورٹ کی روشنی میں کیا گیا ہے۔ کمشنر کا کہنا ‏ہے کہ دودھ کی نئی قیمت فارمرز، ہول سیلرز اور ریٹیلرز کی مشاورت سے مقرر کی گئی ہے۔

انہوں نے واضح کیا کہ دودھ کی ڈیری فارمرزکی قیمت105 اور تھوک قیمت 110روپےفی لیٹرہو گی۔ سرکاری قیمت ‏کی خلاف ورزی پر قانونی کارروائی کی جائے گی۔

کمشنر اقبال میمن نے ہر3 ماہ بعد دودھ کی قیمت کا جائزہ لینےکا بھی فیصلہ کیا ہے۔

The post کراچی میں دودھ کی نئی قیمت کا اعلان appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/31LEbOp