خاتون کا زبردستی قرنطینہ کرنے پر ہولناک اقدام

آسٹریلیا سے تعلق رکھنے والی خاتون نے قرنطینہ کرنے پر ہوٹل کو ہی  جلا کر راکھ کر ڈالا۔

بین الاقوامی میڈیا رپورٹ کے مطابق آسٹریلیا کے شہر کوئنز لینڈ میں قرنطینہ کے لیے مختص ہوٹل میں خاتون کو اُن کے دو بچو ں سمیت ٹھہرایا گیا تھا۔

پولیس حکام کے مطابق کوئنزلینڈ کے شمال مشرقی علاقے کیرنز میں واقع پیسفک ہوٹل کی بالائی منزل پر آتشزدگی کی اطلاع صبح کے وقت پولیس کو ہیلپ لائن پر موصول ہوئی۔

آتشزدگی کی صورت میں کوئی جانی نقصان تو نہیں ہوا مگر فرنیچر سمیت دیگر اشیا جل کر راکھ ہوگئیں۔ خاتون کی اس حرکت کی وجہ سے ہوٹل میں قرنطینہ کیے گئے 160 شہریوں کو باہر نکلنا پڑا ۔

پولیس نے خاتون کو آگ لگانے کے الزام میں گرفتار کر کے جیل منتقل کردیا جبکہ بچوں کو حکومت کی جانب سے مختص کردہ قرنطینہ سینٹر میں رکھا گیا ہے۔

پولیس حکام نے بتایا کہ ماں اور دونوں بچے بیرونِ ملک سے سفر کر کے پہنچے تھے جنہیں ایس او پیز کے تحت چودہ دن کے لیے قرنطینہ کیا گیا تھا، خاتون نے قرنطینہ کی مخالفت کی  اور متعدد بار گھر جانے کی کوشش کی جبکہ روکنے پر غم و غصے کا اظہار بھی کیا تھا۔

Residents of a Cairns hotel quarantine facility have been forced to evacuate this morning after a fire erupted.

No injuries were reported, however, a 31-year-old woman has been charged following initial investigations into the blaze. #9News

Full details: https://t.co/9UHNrzcWTR pic.twitter.com/ssOcZGcd1w

— 9News Queensland (@9NewsQueensland) November 28, 2021

ہوٹل انتظامیہ کے مطابق خاتون نے تین دن بچوں کے ساتھ رہنے کے بعد صبح سب سے پہلے اپنے بستر کو آگ لگائی ، جو دیکھتے ہی دیکھتے پورے فلور پر پھیل گئی۔

The post خاتون کا زبردستی قرنطینہ کرنے پر ہولناک اقدام appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3lAPPT3