سعودی اقامہ ہولڈر کی فیملی مشکل میں پھنس گئی

ریاض: سعودی محکمہ پاسپورٹ وامیگریشن(جوازات) نے اقامے سے متعلق وضاحت جاری کی ہے۔

عرب میڈیا کی رپورٹ کے مطابق مملکت میں مقیم غیرملکی نے جوازات کو اپنی فیملی کی پریشانی بتائی کہ اہل خانہ کا اقامہ گم ہوگیا کیا اس صورت میں جرمانہ ہوگا؟۔

سعودی محکمہ پاسپورٹ نے وضاحت پیش کی کہ اقامہ گم ہونے پر جرمانے سے بچنے کے لیے لازمی ہے کہ 24 گھنٹے کے اندر متعلقہ ادارے کو رپورٹ کی جائے۔

خیال رہے کہ اقامہ کارڈ گم ہونے پرجوازات کے دفتر میں گمشدگی کی رپورٹ درج کرانا ہوتی ہے۔ جس جگہ اقامہ گم ہوا ہے وہاں اگر جوازات کا کوئی ذیلی ادارہ نہیں تو رپورٹ تھانے میں درج کرائی جاتی ہے۔

بعد ازاں رپورٹ کی کاپی کے ساتھ جوازات کے دفتر سے رجوع کرکے وہاں سے ڈپلیکیٹ اقامہ کارڈ جاری کرانے کی کارروائی کی جائے گی۔

یہ بھی ذہن نشین رہے کہ اقامہ کارڈ گم ہونے پر مخصوص وقت میں رپورٹ نہ کرانے پرڈپلیکیٹ اقامہ جاری کرانے پرایک ہزار ریال جرمانہ عائد کیا ہے، جرمانے کی ادائیگی ’سداد ‘ سسٹم کے ذریعے کرائی جاتی ہے۔

The post سعودی اقامہ ہولڈر کی فیملی مشکل میں پھنس گئی appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3rUqCal