کراچی کی معروف مارکیٹ میدان جنگ بن گئی

کراچی: کسٹمز انٹیلی جنس ٹیم کو کراچی کی معروف مارکیٹ پر چھاپا مارنا مہنگا پڑگیا۔

تفصیلات کے مطابق جامع کلاتھ مارکیٹ پر کسٹمز انٹیلی جنس ٹیم نے چھاپا مارا اس دوران بڑی مقدار میں غیر قانونی اشیا برآمد کی گئیں۔

کسٹمز حکام کے مطابق کارروائی کے بعد ٹیم واپس جانے لگی تو بڑی تعداد میں تاجروں نے ٹیم کو گھیرے میں لے لیا اس دوران تلخ کلامی بھی ہوئی اور ٹیم کو وہاں سے نکلنے میں سخت مزاحمت کا سامنا رہا۔

حکام کے مطابق اس دوران مشتعل افراد نے ٹیم اور پولیس پارٹی پر پتھراؤ کیا، جواب میں پولیس نے مشتعل افراد کو منتشر کرنے کے لئے شیلنگ اور لاٹھی چارج سمیت ہوائی فائرنگ بھی کی۔

ایس ایس پی ساؤتھ کےمطابق کسٹمز حکام تلاشی کے وارنٹ لےکرجامع کلاتھ مارکیٹ پہنچے تھےجس کی دکانداروں نےسخت مزاحمت کی، فائرنگ اور پتھراؤ سے دوافراد زخمی ہوئے جنہیں سول اسپتال منتقل کردیا گیا ہے۔

The post کراچی کی معروف مارکیٹ میدان جنگ بن گئی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3pAFcRs