یہ پڑھیں: کراچی میں کار پر فائرنگ، سندھ بارکونسل کے سیکرٹری ایڈووکیٹ عرفان مہر جاں بحق

ٹنڈوالہیٰار: سندھ کے شہر ٹنڈوالہٰیار میں قتل کے ملزم کو عدالت کے دروازے پر قتل کردیا گیا۔

اے آر وائی نیوز کے مطابق ٹنڈوالہٰیار میں قتل کے ملزم کو عدالت کے دروازے پر موت کے گھاٹ اتار دیا گیا، مقتول بھولا خانزادہ ایس ٹی پی رہنما الطاف جسکانی کے قتل میں نامزد تھا۔

ذرائع کے مطابق پولیس نے ایک مسلح شخص اسد جسکانی کو زخمی حالت میں گرفتار کرلیا۔

واقعے کے بعد خانزادہ برادری کے سیکڑوں لوگ سڑکوں پر نکل آئے، شہر میں ہنگامے اور وقفے وقفے سے فائرنگ کا سلسلہ جاری ہے۔

ذرائع کا کہنا ہے کہ حالات پر قابو پانے کے لیے رینجرز کی بھاری نفری کو طلب کرلیا گیا ہے۔

مقتول بھولا خانزادہ ضمانت کے لیے عدالت پیشی پر آرہا تھا کہ موٹر سائیکل پر سوار مسلح افراد نے فائرنگ کردی جس کے نتیجے میں ملزم جاں بحق ہوگیا۔

یہ پڑھیں: کراچی میں کار پر فائرنگ، سندھ بارکونسل کے سیکرٹری ایڈووکیٹ عرفان مہر جاں بحق

واضح رہے کہ گزشتہ ماہ یکم دسمبر کو کراچی کے علاقے گلستان جوہر بلاک 13 میں نامعلوم ملزمان نے کار پر فائرنگ کی تھی جس کے نتیجے میں کار سوار سندھ بار کونسل کے سیکرٹری عرفان مہر جاں بحق ہوگئے تھے۔

پولیس کا کہنا تھا کہ سندھ بار کونسل کے سیکریٹری عرفان مہرکوٹارگٹ کلنگ کا نشانہ بنایا گیا، مقتول بچوں کواسکول چھوڑنے جارہے تھے۔

The post سندھ میں قتل کا ملزم عدالت کے دروازے پر قتل appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3nLsNKt